Sukhoi Su-30 Mk

Ba hiza Sukhoi nisura andre ya'ia da'ö sambua göfa sihombo si no tehöngö ba danö niha, köfa sihombo köfa wanuwö. Köfa Wanuwö da'a ni fake niha moroi ba soi mbanua Rusia me döfi 1996. Köfa Wanuwö da'a no soya guna (multifungsi), lafake ba wanuwö ziso ba danö. Köfa Wanuwö Sukhoi lafangai ira göfa wanuwö F/A-18E/F Super Hornet faoma F-15E Strike Eagle moroi ba danö Amerika Serikat.

Sukhoi SU-30 MK da'a sindruhunia fodou'ö göfa sihombo Sukhoi fatua lö muhaogö ia, ya'ia da'ö mere Su-27UB, ba wa'oya nasa danöbö'önia (banyak varian). Seri Su-30K faoma Su-30MK no tola laku oya ba mbanua tanö bö'ö (berhasil secara komersil). Sukhoi ni sura bada'a ba ya'ia ni haogö KnAAPO faoma Irkut, ya'ia ono fabiri ma perusahaa Sukhoi. KnAAPO ya'ia zangaohagö Su-30MKK faoma Su-30MK2, ni angeragö ba ni'amawa ba mbanua Tiongkok. Su-30 fondrege sibaga ba gotalua nawönia ya'ia seri Su-30MK nifazökhi Irkut. Bagotalua da'ö Su-30MKI, köfa wanuwö da'a la'odödögö wangahaogö soguna ba zaradadu zozago talu mbanua ba danö India (Angkatan Udara India), faoma so göi MKM ba Malaysia faoma MKA khö Aljazair.(Moroi ba Wiki Indonesia).

Fa'abölö sambua mbanua sebua (negara) oroma moroi ba wamaretania ba wozago banua nia nitöfaigö khö zozago banua ya'ia da'ö ya'ira ira saradadu (Tentara). Saradadu andre ba no la bagi, so zozago asi (TNI AL), ola-ola ba nasi sifaola ba mbanua bö'ö oi ya'ira bada'ö. Oya wakakera, so Göfa wanuwö moroi ba dalu nasi (Kapal Perang), so zozago dete danö, ya'ira zo zagö ola mbanua ba danö (TNI AD), ba so göi ndra amada Folisi, so zago ngawalö halöwö ba danö, ba mbanua side-ide, ba mbanua sebua, ya'ira zo aturai hewisa ngawalö lala wa'ahono dödö ba danö.

Ba zozago talu mbanua ba Indonesia, no ara ta'ila wa löhadöi köfa sihombö köfa wanuwö samösa ni'okhögö niha Indonesia. Ba hiza famareta no tola la'a'asogö irege iada'a no sa'ae so Sukhoi. Iada'a no so Skadron Udara 14, Wing 3. Hulö zimane ba Lanud Iswahjudi, Magetan, Jawa Timur no tohare khöra göfa sihombo köfa wanuwö, Sukhoi Su-27/30. tenga sa'ae nifiza moroi Skadron Udara 11, köfa sihombo köfa wanuwö no so logo Skadron Udara 14 eluaha nia so tohogu fa'abölö F-5E / F Tiger II ba 'Skadron Macan' ba ginötö sino numalö.

Fa'atohare göfa sihombo göfa wanuwö si tölu rozi da'ö, ya'e döi töira sara Su-27 (TS-2701), ba dua rozi, .Su-30 (TS-3001 dan TS-3002) nitema'ö Komandan Lanud Iswahjudi Marsma TNI Widyargo Ikoputro, SE, MM, ba si so bada'ö fefu.

Köfa sihombo wanuwö si so ba zozago talu mbanua Indonesia (TNI AU), da'a sino la hahaogö ira banua Rusia. Sukhoi Su-30 baga sibai ni'oguna'ö ba wo fana moroi ba dalu mbanua lawa si so ba danö. Köfa Sukhoi da'a fa'anau nia dua wulu a sara koma siŵa mete (21,9 meter), fa'alaŵa so ba zi önö koma tölu ngafulu a önö mete (14,7 meter). Si tedou moroi khönawönia Su-30 andre, fa'alio nia ikhamö dua ribu a otu a dua wulu kilo ero sambua za (kecepatan maksimum 2.120 km/jam). Ba tola ikhamö wa'aröu ba zi tölu ribu kilo (daya jelajah sampai 3.000 km).

Sukhoi andre, lö sa'ae aombö dödö wa'alio, wa'abölö ba tanö bö'önia. Hiza so nasa baero da'ö ya'ia nifotöi Radiolocation. Radiolocation andre, soguna ba wangalui hezoso gamaudu lawa, ba tenga ha ba zi sambua nahia, ba ginötö sifagölö, köfa Sukhoi andre, tola i'alui fulu naha ma töra hezo wetaro so'ira.

Ba khö ndra amada saradadu so zago talumbanua ma lawa'ö ia TNI AU, na so rafe soya soi, ba Sukhoi Su-30 MK lafanörö ira ba gamaudu hezo wetaro lafalua rafe andrö. Hulö simane me so rafe ba Bali ya'ia da'ö fa'owulo : United Nations Alliance of Civilization (UNAOC), ba hiza no lafalua halöŵöra irege lö hada-hada'ia zalua götö wamalua rafe andrö. Köfa Sihombo soguna ba wanuwö andre, tenga ha ba wasuwöta moguna ia,no oya lala halöŵö ba Indonesia, ba wozago tanö Indonesia. Talumbanua, tanö, ba idanö, oi silö tola lö'ö la zago.