Guti ya'ia da'ö sambua mbotoŵa soguna ba wanaba simane; nukha, bu, ba tanöbö'önia.
Ba Danö Niha, no oi la'ila niha mbotoŵa da'a, arakhagö dozi omo oi so'ia. Ba li Indonesia latötöi ia; Gunting. Guti andre, na lafaigi moroi ba wangoguna'ö ya'ia, töra moroi ba Rosö, simane ba wanaba karate, yamendrua sa'ae ba wanaba bu. Sikhalania, so dombua mbawa sifaoma mohalöŵö na la'oguna'ö ia. Na rose, so du'i-tu'i si tebai ni'oguna'ö ba wanaba gofu hadia ia. Ba wa'atedou wangi'ila noa, no oya zikhalania, so zangoguna'ö plastik ndrangania, irege no sambua wakake si so ba dozi omo niha.
Molo'ö si no la'ila niha, wa guti andre, no'ara la'ila niha, so zanguma'ö wa no ba zi 3000-4000 fakhe si lalö la'oguna'ö ia. Böröta sibai ya'ia da'ö moroi ba mbanua Timur Tengah, moroi ba Mesir no lahaogö guti andre, ba ndröfi si 1500 SM (sebelum masehi). Aefa da'ö niha ba Romawi Kuno ba ndröfi si 100 M (masehi) no lahaogö guti moroi ba zi'öli faoma zihulö zimo ma perunggu. So nifotöi pivot ma gunting silang nifazökhi faoma tanga si no la'oguna'ö niha ngaotu fakhe. Ba hiza ba ndröfi si 1761, Robert Hinchliffe ihaogö guti andre ba pabrik ba Inggris tenga sa'ae ha moroi ba zi'öli (besi) hiza ihaogö moroi ba baja.
This article uses material from the Wikipedia Li Niha article Guti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.