Fitu Zahöli-Höli Dödö Ba Gulidanö

Ohitö dödöra ena'ö tefa'oli he sahöli-höli dödö ni'ila niha alua ba danö ba he göi sahöli-höli dödö ni'otomosi niha.

Angolifa fondrege atua ya'ia Fitu Zahöli-höli Dödö ba Ginötö Föna, heza tefa'oli fitu gotomosi niha ba ginötö föna. Bakha ba gangolifa andre ha tesöndra zahöli-höli dödö si so ba zifasui nasi Mediterania ni'oguna'ö ndra niha Yunani ba we'amöi mukoli. Khö ndra niha Yunani fitu no fangerai fondrege afönu (li Indonesia: sempurna) ba fondrege oya, börö molo'ö ira niha Yunani fa'oya fitu no famaedo wa'oya planet baero luo ba baŵa.

 

Lafazökhi gangolifa fitu zahöli-höli dödö ya'ira ere sejarah Herodotus (484 – ambö töra 425 föna Keriso) ba Callimachus moroi ba Kirene (ambö töra 305–240 föna Keriso) ba museum Aleksandria. Angolifa andrö khöra no taya, ha ta'ila nösinia moroi ba wanötöi niha ba zinurara.

Si fitu zahöli-höli dödö andrö ya'ia:

• Piramida Sebua Giza, ba Giza, Mesir, otomosi fondrege atua te'awalisi ba si sindro nasa irugi ma'ökhö.
• Adu Sebua ba Rhodes, ba labua ba Rhodes, sambua hulo ba Yunani.
• Kabu Sanue Babilonia, ba Babilonia, sahatö ba kota Niniwe, Mosul, Irak.
• Malige Wandru ba Aleksandria, ba Aleksandria, Mesir.
• Lewatö Sebua Mausolos, ba kota Halikarnasus föna, ba Turki ma'ökhö.
• Adu Zeus ba Olimpia, ba kota Olimpia, Yunani ma'ökhö.
• Osali Artemis ba Efesus, Turki ma'ökhö.

Me ngaotu ndröfia si-19 ba si-20 labörötaigö niha wamazökhi angolifa si bohou, simane "Sahöli-höli dödö ba Abad Pertengahan", "Fitu zahöli-höli dödö ba Abad Pertengahan", "Fitu zahöli-höli dödö ba wangera-ngera Abad Pertegahan", ba "Fangotomosi sahöli-höli dödö ba Abad Pertengahan". Lö tesura oi gangolifa andre ba ginötö andrö, börö me awena la'oguna'ö niha döi Abad Pertengahan ba ngaotu ndröfia si-16. Andrö göi wa itötöi ira Brewer's Dictionary of Phrase and Fable angolifa furi hö.

Oya otomosi si so bakha ba gangolifa andrö tefazökhi föna Abad Pertengahan, bahiza no tehöngö ba zi sagörö ulidanö. Sasese latötöi bakha ba gangolifa andrö ya'ia:

• Lewatö barö danö Kom el Shoqafa, ba Aleksandria, Mesir.
• Koloseum, tanölafa nahia wamaisa si so ba kota Roma, Italia.
• Öli Sebua Tiongkok, öli niwöwöi tobali öli danö ba Tiongkok Utara, nibörötaigö mufazökhi me ngaotu ndröfia si-7 föna Keriso.
• Katedral Hagia Sophia, ni'otomosi ba ngaotu ndröfia si-6 ba Istanbul, Turki ma'ökhö (no labali'ö mesjid).
• Malige Saheu Pisa, ba kota Pisa, Italia, nifazökhi me ngaotu ndröfia si-12.
• Malige Porselen Nanjing, ba kota Nanjing, Tiongkok, nifazökhi me ngaotu ndröfia si-15.
• Stonehenge, ba Wiltshire, Inggris, nifasindro me ngahönö ndröfia si-3 föna Keriso.

So nasa otomosi bö'ö sitaraia lafaogö bakha:

• Hati Kairo, sambua hati nifazökhi ba ngaotu ndröfia si-13 ba kota Kairo, Mesir, ba wanenaŵa udu.
• Biara Kluni, sambua biara Benediktin ba kota Kluni, Perancis, nifasindro me ngaotu ndröfia si-10.
• Katedral Ely, ba kota Ely, Cambridgeshire, Inggris, nifazökhi me ngaotu ndröfia si-11.

Fitu zahöli-höli dödö ba danö

 

Simane ba gangolifa bö'ö, lö ha sara dödö niha ba wangohonogöi hadia manö zinangea ba si lö sinangea lafaogö bakha ba gangolifa zahöli-höli dödö, ba no göi asese mufahuhuosi hawa'oya lafaogö bakha zahöli-höli dödö. Da'a tou gangolifa nifazökhi CNN me 1997:

• Aurora, haga sahöli-höli dödö sasese soroma ba Artika ba ba Antartika
• Grand Canyon, sambua ndraso sebua si so ba Arizona, Amerika Serikat
• Great Barrier Reef, kara sebua ba sebolo sihulö rabo si so ba Queensland, Australia
• Ŵalö ba Rio de Janeiro, Brasil
• Hili Everest, ba gotaluara Nepal ba Tiongkok
• Hili so'alitö Parícutin, ba Michoacán, Meksiko
• Idanö satoru Viktoria, ba gotaluara Zambia ba Zimbabwe

Fitu zahöli-höli dödö ba gulidanö sibohou

 

Me 2001-2007 la'owuloi zöndra niha sato ba gu'ö Internet ya'ira moroi ba New7Wonders Foundation, sambua organisasi moroi ba Swiss. Moroi ba gangolita 200 zahöli-höli dödö, lafili niha 7 wondregea höli dödö. Me la'ombakha'ö mbua wangowuloi zöndra andrö me 2007, lö ba gotaluania Piramida Sebua Giza. Andrö wa lanönö ia tobali onönöta, me hatö piramida andre zi toröi moroi ba ginötö föna.

Fitu zahöli-höli dödö ba danö sibohou

 

Aefa da'ö la'owuloi zui zöndra niha ya'ira New7Wonders Foundation me 2007-2011. Nifili sakali da'a ya'ia sahöli-höli dödö ba danö, eluahania tenga ni'otomosi niha.

• Idanö Satoru Iguazu, ba gotaluara Argentina ba Brasil
• Ŵalö Hạ Long, ba Propinsi Quang Ninh, Vietnam
• Hulo Jeju, ba Propinsi Jeju, Korea Selatan
• Ungo nidanö barö danö Puerto Princesa, ba Palawan, Filipina
• Hili sihulö meza, ba Cape Town, Afrika Selatan
• Hulo Komodo, Manggarai Barat, Indonesia
• Atua sebua Amazon, si so ba Brasil, Peru, Kolombia, Venezuela, Ekuador, Bolivia, Guyana, Suriname, ba Guiana Perancis

Fitu kota sahöli-höli dödö sibohou

 

Angolita zahöli-höli dödö aefa da'ö ni'owuloi New7Wonders Foundation ya'ia kota:

• Durban, South Africa
• Vigan, Philippines
• Havana, Cuba
• Kuala Lumpur, Malaysia
• Beirut, Lebanon
• Doha, Qatar
• La Paz, Bolivia

Fitu zahölö-höli dödö barö nasi

 

Samazökhi angolita andre ya'ia CEDAM International, sambua orahua moroi ba Amerika, sangodödögö wamalua fangosili ba ba famaeri nasi. Me 1989 i'owuloi ndra ere nasi CEDAM ba wamili zahöli-höli dödö barö nasi sinange mufaeri.

• Palau
• Belize Barrier Reef, Belize
• Great Barrier Reef, Australia
• Umbu nidanö aukhu barö nasi (ba zi sagörö ulidanö)
• Hulo Galapagos, Ekuador
• Baŵa Baikal, Rusia
• Asi Soyo, ba gotaluara Arab Saudi, Yemen, Mesir, Sudan, Eritrea ba Jibouti

Fitu zahöli-höli dödö si fakhai ba industri

 

Samazökhi angolita andre no Deborah Cadbury moroi ba Inggris bakha ba mbukunia Seven Wonders of the Industrial World. Me 2003 ifazökhi filem sanandrösa ba zahöli-höli dödö si fakhai ba industri andre BBC faoma Deborah Cadbury.

• SS Great Eastern, köfa nasi Inggris nifofanö faoma sau nidanö, tebörögö moloyo me 1858
• Malige haga Bell Rock, ba mbewe nasi Angus, Skotlandia, te'awalisi me 1810
• Soroso Brooklyn, ba New York City, New York, Amerika Serikat, tebörögö te'oguna'ö me 1883
• Sistem wanibo'ö nidanö sita'unö ba London, Inggris, i'otarai gangahorita ngaotu ndröfia si-19
• Lala kereta api transkontinental, Amerika Serikat, 3.077 km fa'anau, te'awalisi me 1869
• Kanal Panama, lala nidanö nifazökhi niha 82 km fa'anau, samatohu nasi Atlantik ba Pasifik, te'awalisi me 1914
• Ba'a nidanö sebua Hoover, ba nidanö Kolorado, Amerika Serikat, te'awalisi me 1936

Fitu zahöli-höli dödö baero langi

 

Me 1999 ifazökhi gangolita zahöli-höli dödö baero langi majalah Astronomy.

• Enceladus, sambua moroi ba gotalua mbaŵa Saturnus
• Tandra soyo khö Yupiter, tandra wa so mbade sebua tanö tou Yupiter
• Böbölöwi asteroid, sambua nahia ba gotalua lala nitörö Mars ba Yupiter
• Uli Luo
• Asi sebolo ba gulidanö
• Laeduru Saturnus
• Olympus Mons, hili so'alitö si so ba Mars, hili fondrege alaŵa ba zi sagörö sistem luo

• 77 Wonders of the World in 360° A list of world wonders linking the ancient 7 Wonders of the World and the World Heritage List by UNESCO