Femanga gö ni'amoni'ö ya'ia da'ö tenga simane femanga si to'ölö nilau niha, so wakhe, sayu, ba ngawalö gö.
Hiza femanga da'a femanga nifalua ba gosali ba wanörötödö hewisa wa'omasi Lowalangi ba niha guli danö, Ihöli niha moroi ba huku horö, faoma Do Nia sangele ba döla röfa, ba botoNia ni böbözi no Isalahini niha ba zisagörö ulidanö. Femanga gö ni'amoni'ö sambua tandra ba niha samati sitobali fanörötödö wa'omasi Lowalangi ba zamati khöNia. Na la'ali ba li Indonesia, lamane wanötöi ya'ia: '''Perjamuan Kudus'''.
Ba wemanga gö ni'amoni'ö, nifalua ba gosali, ero dozi gangowuloa gosali ba Danö Niha, na tefalua lala halöŵö da'a, ba lahenagö roti simöi famaedo mboto Yesu si no teforöfa salahi niha, ba simanö göi lahenagö nagu ma agu nifati wa famaedo ndro Yesu sangöhöli niha ba huku horö saduwa yaŵa ba röfa. Lala wamalua ya'ia ba sangai halöŵö ma ira fandrita, ba sohalöŵö ba gosali, i ohe föna Lowalangi halöŵö andrö, ilau mangandrö, ba i aohasi gölö Lowalangi. Ba fatua lö labadu nagu ba la'a roti, ba ifa'ema daromali sangai halöŵö ba wame'e fa'aboto ba dödö khö mbanua niha Keriso ena'ö femanga gö ni'amoni'ö andre, simöi howu-howu tenga fangelifi. Baero da'ö ba i fa'ema duria wa naso bagotalua zowulo andrö, so zinendre dödö ba khö nawö, khö dalifusö, khö zatua, ba tanö bö'önia, sökhi lahalö ginötö si sabata, ba wangandrö khö Lowalangi ena'ö lö tobali taha-taha howu-howu ba khöra.
Nifalua zangai halöŵö ba gosali sitefaudu ba wemanga gö ni'amoni'ö, tenga somasi dödöra, hiza no so wamahaö si so ba daromali, simane da'a tou:
Ba wa'oya nasa ayati ba daromali Lowalangi andrö, sifakhai ba lala halöŵö wemanga gö ni'amoni'ö.
Turia somuso dödö moroi ba wemanga gö ni'amoni'ö si no tefaehagö bakha ba daromali ma sura ni'amoni'ö ya'ia da'ö:
This article uses material from the Wikipedia Li Niha article Femanga gö ni'amoni'ö, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.