मलयालम् (മലയാളം,मलयाळम्) वा कैरली (കൈരളി,कैरळि) भारतया केरल प्रान्तय् ल्हाइगु प्रमुख भाषा ख। थ्व द्रविड भाषा-परिवारया दुले ला। केरल स्वया पिने थ्व भाय् तमिलनाडुया कन्याकुमारी व उत्तरय् कर्नाटकया दक्षिण कन्नड जिला, लक्षद्वीप तथा अन्य मेमेगु देसय् च्वनिपिं मलयालित दूगु थासय् ल्हाइगु या। मलयालम भाषा केरलया राज्य भाषा ख। थ्व भाय् द्रविड परिवारया भाषाय् छगू ख। मलयालम भाषाया उत्त्पत्तिया बारेय् यक्व सिद्धान्त प्रस्तुत यानातःगु दु। छगू मत कथं भौगोलिक कारणं आदि द्रविड भाषां मलयालम छ्गू स्वतन्त्र भाषाया कथं विकसित जुयावःगु ख धका नालाः का। थुकिया विपरीत मेगु मत कथं मलयालम तमिलं व्युत्पन्न जूगु भाषा ख। थ्व ख्यले थ्व निगु दक्ले प्रबल बिचा ख। सकल विद्वानतेसं थ्व धाःसा मानेया कि भाषाया परिवर्त्तनया कारणं मलयालमया उत्त्पत्ति जुयावल। तमिल व संस्कृत निगु भाषाया मलयालम भाषा नाप तःधंगु स्वापू दु। मलयालमया मौखिक साहित्य शताब्दियौं पुलां जु। तर साहित्यिक भाषाया रूपं धाःसा थुकिया विकास १३गु शताब्दी निसें जुयावःगु ख। थ्व कालय् च्वयातःगु 'रामचरितम'यात मलयालमया आदि काव्यया कथं कायेगु या।
मलयालम | |
---|---|
മലയാളം, मलयालं | |
मू भाषी जनसंख्या | भारत |
Region | केरल, लक्षद्वीप, कर्णाटक, तमिल नाडु, माहे, अण्डमान व निकोबार द्वीपसमूह, फारसया खाडी। |
Native speakers | ३,५८,९३,९९०। ३,३०,१५,४२० भारतय् (२००१), १८,४७,९०२ अन्य देसय् (२००७): • ७,७३,६२४ संयुक्त अरब इमिरेत्स • ४,४७,४४० साउदी अरबय् • १,३४,७२८ कुवेतय् • १,३४,०१९ ओमानय् • १,०५,६५५ अमेरिकाय् • ९४,३१० कतारय् • ५८,१४६ बहराइनय् • २६,२३७ बेलायतय् • १५,६०० यूरोपय् • ११,३४६ क्यानादाय् • १०,६३६ मलेशियाय् • ७,८०० सिंगापुरय् • १,४१८ अस्त्रेलिया व न्युजिल्यान्दय् (date missing) |
द्रविड
| |
भाषा कोड | |
ISO 639-1 | ml |
ISO 639-2 | mal |
ISO 639-3 | mal |
|
मलयालम, भाषा व लिपिया दृष्टिं तमिल भाषाया सिक्क नापं ला। थ्व भासय् संस्कृतया प्रभाव ईसा पूर्व १ सदी निसें जूगु खनेदु। संस्कृत खँग्वःतेत मलयालम शैली अनुकूल दयेकेत संस्कृतं अवतरित खँग्वःतेत संशोधित याःगु दु। अरबत नाप ताहा ई तक्क बनेज्या स्वापूं अरबी व लिपा अंग्रेजी तथा पोर्चुगिज उपनिवेशवादया असर नं थ्व भाषाय् खनेदु।
मलयालमया संधि-विच्छेद जुइ - मलै (मूलशब्द : मलय - अर्थ : पर्वत) + अळम (मूलशब्द : आलयम - अर्थ : स्थान)। थ्व भाषाया भाषिक मनू भारतया पश्चिमी घाटय् च्वनि, थ्व हे कारणं थ्व नां वःगु ख। थुकिया पाय्छि उच्चारण ’मलयाळम्’ जुइ।
विकिमिडिया मंका य् थ्व विषय नाप स्वापु दुगु मिडिया दु: Malayalam language |
This article uses material from the Wikipedia नेपाल भाषा article मलयालम, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.