बाइसाइकल धाःगु निता घःचा दूचु गसा ख। बाइसाइकल १९गू शदीइ युरोपय् प्रचलनय् वल। २१गू शताब्दी तक वया हलिमय् करिब १ बिलियन बाइसाइकल दल। हलिमय् कार स्वया अप्व बाइसाइकल दु। हलिंया यक्व थासय् बाइसाइकल यातायातया मू-साधनया रुपय् स्थापित जूगु दु। नापं, बाइसाइकलं मनोरंजन व मचातेगु म्हितेगु साधनया रुप नं काःगु दु। बाइसाइकलयात उसाँय्, सेना/प्रहरी, कुरियर सेवा, बाइसाइकल रेसिङ्ग, व कलात्मक साइक्लिङ्ग आदिया निंतिं नं छ्येलिगु या।
बाइसाइकल | |
---|---|
बाइसाइकल | |
वर्गीकरण | गसा |
छ्यला | यातायात |
इन्धन स्रोत | मनू वा मोतराइज्द व्हिल |
घःचा | २ |
पुर्जा | बाइसाइकल फ्रेम, चक्का, तायर, स्यादल, ह्यान्दलबार, पेदल, द्राइभत्रेन |
आविष्कारक | कार्ल द्रेइस, कर्कप्यात्रिक मिकमिलियन |
आविष्कार | १९गू शताब्दी |
थ्व गसाया इन्धन स्रोत मनू वा मोतराइज्द व्हिल जुइ। थ्व गसालय् साधारनकथं २गू घःचा दइ। बाइसाइकलया मू कुचालय् बाइसाइकलया फ्रेम, चक्का, तायर, स्यादल, ह्यान्दलबार, पेदल, द्राइभत्रेन आदि ला। थ्व गसाया आविष्कारककार्ल द्रेइस व कर्कप्यात्रिक मिकमिलियन ख।
आःया हलिमय् थीथी कथंया बाइसाइकल प्रयोजनय् दु। छुं दसु थ्व कथं दु-युतिलिति बाइसाइकल, माउन्तेन बाइक, रेसिङ्ग बाइसाइकल, तुरिङ्ग बाइसाइकल, हाइब्रिद बाइसाइकल, क्रुजर बाइसाइकल, बिएमएक्स बाइसाइकल, तान्देम बाइसाइकल, लोराइदर बाइसाइकल, तःजाःगू बाइसाइकल, निश्चित गियर बाइसाइकल, लथ्याये ज्यूगु बाइसाइकल, एम्फिबियस बाइसाइकल, कार्गो बाइक, रिकम्बेन्त बाइसाइकल, इलेक्त्रिक बाइसाइकल आदि।
युतिलिति बाइसाइकल धाःगु यातायातया उद्देश्यं दयेकातःगु बाइसाइकल खः। एसियाया थीथी थासय् थन्याःगु बाइसाइकल आपालं छ्येलीगु या। हलिमय् दकलय् अप्व दयेकीगु मोदेल चाइनिज फ्लाइङ्ग पिजन (Chinese Flying Pigeon) थ्व हे प्रकारया बाइसाइकल ख। हलिमय् थ्व प्रकारया ५०० मिलियन बाइसाइकल उत्पादन जुइ धुंकूगु दु। नेपाःथें न्याःगु पालूगु लं दूगु थाय्या भूगोलया निंतिं निर्माण याःगु बाइकयात माउन्तेन बाइसाइकल वा माउन्तेन बाइक धाइ। बाइसाइकल ब्वाकीगु धेंधेबल्लाया निंतिं दयेकूगु बाइसाइकलयात रेसिङ्ग बाइसाइकल धाइ। थन्याःगु बाइसाइकलयात याकनं ब्वाकेछिंकः स्त्रिम्लाइन याना दयेकी। पर्यटकत थीथी थासय् चाःहिलेत अपुइकः दयेकातःगु बाइसाइकलयात तुरिङ्ग बाइसाइकल धाइ।
हलिंया थीथी बाइसाइकलया थःथःगु कथंया कुचात दयाच्वनिगु जुसां छुं कुचा सकल बाइसाइकलय् खनेदु। बाइसाइकलय् साधारनकथं खनिगु कुचात थ्व कथं दु-
This article uses material from the Wikipedia नेपाल भाषा article बाइसाइकल, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.