Tenness

117 Lv ← Tenness → Og At ↑ Ts ↓ nix Periodensystem
Allgemeen
Naam, Teken, Atomtall	Tenness, Ts, 117
Cheemsch Serie	Halogen?
Klöör	nich bekannt
Atommass	291 (schätzt) u
Elektronenkonfiguratschoon	[Rn]5f146d107s27p5 (afleidt vun At)
Elektronen je Schaal	2, 8, 18, 32, 32, 18, 7
Physikaalsche Egenschoppen
Phaas	?
Atomare Egenschoppen
Annere Egenschoppen
Isotopen (Utwahl)
Hööftartikel: Isotopen vun Tenness Iso VN t½ VO VE (MeV) VP 291Ts nee 10 ms α 287Mc 292Ts nee 50 ms α 288Mc 293Ts nee 14 ms α 11,0 289Mc 294Ts nee 78 ms α 10,81 290Mc SV

Dat Element hett dat Atomteken Ts. Tenness is 2010 an’t Vereenigte Institut för Karnforschen (JINR) in Dubna bi Moskau opdeckt worrn.

Tenness weer 2010 dör Bescheeten vun Berkelium (²⁴⁹Bk) mit dat Atomen vun’t Element Calcium (⁴⁸Ca) tüügt. Dorto weer en Proov vun 22 mg 250 Daag bestrahlt un dorna 90 Daag in’t Oak Ridge National Laboratory rein maakt. Disse Proov is denn an’t Institut vun Dubna, Russland, in’n U400-Zyklotron för 150 Daag mit Clacium-Atomen beschoten worrn, wat to de eersten söss Atomen vun dat ne’e Element Tenness föhrt hett. Fief dorvun weern dat Isotop ²⁹³Ts, dat sösste ²⁹⁴Ts. Disse Synthees weer de Hööchdpunkt vun de russ’sch-US-amerikaanschen Tosamenarbeit twüschen dat JINR un dat Lawrence Livermore National Laboratory, de 1989 los güng. 2014 is Tenness an’t GSI (Sellschop för Sworionenforschen) nawiest worrn.

Dat Element is toeerst ünner den vörlöpigen Naam Ununseptium bekannt worrn, de sik ut dat latiensche unus („een“) un septem („söven“) tohopensett un vun de Atomtall 117 afleidt is. Bito is ok de Naam Eka-Astat bruukt worrn, vunwegen dat dat Element in’t Periodensystem ünner dat Astat to stahn kummt. De Opdecken is an'n 30. Dezember 2015 vun de IUPAC offiziell acht worrn. Se hett de Arbeitsgrupp in Dubna dat Recht tospraken, den Naam för dat Element to bestimmen.. De IUPAC hett an’n 8. Juni 2016 bekannt geven, dat de engelsche Naam Tennessine (Ts) vörslahn weer, de siet den 8. November 2016 nu de offizielle Naam is..