Verfallsenergie
De Verfallsenergie is de Energie, de bi’n radioaktiven Verfall vun en unbestännigen Atomkarn freesett warrt.
Se warrt as kineetsche Energie op de Verfallsprodukten un den Dochterkarn överdragen, in Form vun Gammaquanten afstrahlt („γ-Strahlen“) un/oder as Anreegenergie in de Elektronenhüll vun den Restkarn spiekert.
An’n eenfachsten to meten un tomeist in Tabellen angeven is de Energie vun de aftrahlten Alpha-, Beta- un Gamma-Deelken. Wenn kalorische Ünnersöken maakt warrt, mutt aver ok de Energie vun de Trüchstöötkarns un de Energie vun möögliche Folgreakschonen (as to’n Bispeel Elektron-Positron-Annihilatschoon na’n β+-Verfall oder de Neutroneninfang na’t Utsennen vun Neutronen) mit inrekent warrn.
En Deel vun de Verfallsenergie kann op Deelken överdragen warrn, de blots swoor natowiesen sünd. So warrt to’n Bispeel bi’n Betaverfall en Elektron-Antineutrino tüügt un freesett, dat en ünnerscheedlichen Andeel vun de kineetschen Energie opnehmen deit.
Meten un angeven warrt de Verfallsenergie normalerwies in Elektronenvolt (tyypscherwies in’t kilo- oder Mega-Rebeet. Een Elektronenvolt (eV) ist de Energie, de en Elektron opnehmen deit, wenn dat mit en Spannung vun 1 Volt versnellt warrt. Dat is üm un bi dat glieke as 1,6·10-19 J.
Kiek ok
Naverfallswarms
This article uses material from the Wikipedia Plattdüütsch article Verfallsenergie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.