Dat Messinium is de sösste un böverste chronostratigraafsche Stoop vun’t Miozän in’t Neogen.
Ärathem Ära | System Periood | Serie Epoch | Stoop Öller | ≈ Öller (Mya) |
---|---|---|---|---|
K Ä N O Z O I K U M | höger | höger | höger | jünger |
Neogen | Pliozän | Piacenzium | 2,588–3,6 | |
Zancleum | 3,6–5,332 | |||
Miozän | Messinium | 5,332–7,246 | ||
Tortonium | 7,246–11,608 | |||
Serravallium | 11,608–13,65 | |||
Langhium | 13,65–15,97 | |||
Burdigalium | 15,97–20,43 | |||
Aquitanium | 20,43–23,03 | |||
deeper | deeper | deeper | öller |
Se ümfaat ruchweg de Tietduer vun 7,246 (± 0,005) Millionen bit 5,332 (± 0,005) Millionen Johren vör hüüt. Vör disse Stoop liggt dat Tortonium. Aflöst warrt se vun’t Zancleum, de ünnerste Stoop vun’t Pliozän.
De Stoop hett ehrn Naam vun de Stadt Messina op dat italiensche Eiland Sizilien. Inföhrt hett den Naam un ok de Stoop sülvst de Swiezer Geoloog Karl Mayer-Eymar in’t Johr 1867. Dat offizielle Tyypprofil vun Internatschonale Stratigrafische Kommischoon (ICS) befinnt sik in Oued Akrech. Dat liggt in de Neeg Rabat in Marokko.
De ünnere Grenz vun de Stoop is kenntekent dör dat ünnerste Vörkamen vun de planktonischen Foraminiferen-Oort Globorotalia conomiozea. Disse Grenz liggt ruchweg in de Mitt vun de magneetschen Polaritäts-Chronozoon C3Br.1r. Na baven hen liggt de Grenz bi’t Top vun de Magneetschen Polaritäts-Chronozoon C3r, dat is ruchweg 100.000 Johren vör de Thvera normol-polaren Subchronozoon C3n.4n. Butendem liggt de Grenz dicht bi’n Horizont vun’t Utstarven vun de kalkigen Nanoplankton-Oort Triquetrorhabdulus rugosus, wat de Basis vun de CN10b-Zoon is, un bi’t eerste Vörkamen vun de kalkigen Nanoplankton-Oort Ceratolithus acutus.
In de Tiet vun’t Messinium leeg de Messinische Salinitätskries. In de Tiet is de Middellannsche See to’n wieten Deel utdröögt. In de deepsten Beckendelen hebbt sik dorbi Evaporit-Folgen billt, de bit to 3.000 m Mächtigkeit hebbt.
This article uses material from the Wikipedia Plattdüütsch article Messinium, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.