Giuliano Sarti

Oktober">2. Oktober 1933 in Castello d’Argile; † 6. Juni 2017 in Rom) weer en italieensch Footballspeler un –trainer.

Vereen

Sien Karriere in den betallten Football fung Sarti 1954 bi de Fiorentina an, för de he 220 Spelen maakt hett. 1963 wessel he to Inter Mailand, wo he bit 1968 insgesamt in insgesamt 148 Ligaspelen antreeden is. Sien Loopbahn hett he 1969 afslooten, nahdem he noch 10 Spelen för Juventus Turin maakt hett.

Sien gröttste Erfolge hett Sarti bi Inter Mailand ünner Trainer Helenio Herrera hatt. As Doorhöder vun de Grande Inter bill he in de 1960er Johren tosommen mit Tarcisio Burgnich un Giacinto Facchetti dat legendäre Dreegestirn Sarti – Burgnich – Facchetti, dat de wichtigst Grundlaag för Inter sien Catenaccio bill.

Mit Inter wunn de 1,78 m groot Sarti 1964 un 1965 sowohl den Europapokal vun de Landsmeester as ok den Weltpokal. 1967 wurr he in en Weltelf beropn, de to’n Anlaat vun den 65. Gebortsdag vun Ricardo Zamora gegen Spanien speel.

Sarti hett dree italieensch Meesterschapen wunnen, 1956 mit Fiorentina, 1965 un 1966 mit Inter. Italieensch Pokalsieger wurr he 1961 mit Fiorentina. In dat sülvig Johr wunn he mit disse Mannschap ok den Europapokal vun de Pokalsieger, muss aber in dat düppelte Endspeel för sien Mannschapskolleeg Albertosi wieken.

Natschonalmannschap

In de italieensch Natschonalmannschap keem Sarti tüschen 1959 un 1967 blots achtmal to’n Insatz, wiel he mit Enrico Albertosi en starken Konkurrenten harr.

Sonstiges

Toletzt leev Sarti bi Florenz. Nah sien aktiv Loopbahn hett he 1970 noch den Vereen US Lucchese Libertas traineert.

  Giuliano Sarti. Mehr Biller, Videos oder Audiodateien to’t Thema gifft dat bi Wiki Commons.

• Sarti in de Datenbank vun Weltfußball.de (mit Bild
• Insatzzdaten vun Sarti in dat Archiv vun Inter Mailand (italieensch)
• Insatzdaten bi den italieenschen Verband (italieensch)