Oostnedderdüütsch is de Naam för de nedderdüütschen Dialekten, wat de Lüüd in Mekelnborg, Vörpommern un Brannenborg snackt.
Vör 1945 behören dorto ok de Dialekten vun Hinnerpommern, Westpreußen un Oostpreußen. Oostnedderdüütsch un Westnedderdüütsch tosamen warrt Plattdüütsch nöömt.
Oostnedderdüütsch sünd all de Dialekten, de in't sogenannte Neusiedelland oosten de Elv spraken warrt oder worrn, to'n Bispeel in Wagrien, Mekelnborg, Vörpommern, Brannenborg un fröher in Hinnerpommern, Westpreußen un Oostpreußen. Kennteken vun't Oostnedderdüütsche is de Verb-Endung in de Mehrtall -en staats -t in't Altsiedelgebiet (Neddersassen, Westfalen), also wi maken staats wi maakt anlehnt an't Middelnedderdüütsche vun de Hanse.
Dat Oostnedderdüütsche hett en grootrüümigere Dialektgliederung als dat Westnedderdüütsche. De Spraak is en Utglieksmundoort in de Siedler ut verschedene Rebeden (Flannern, Westfalen, Neddersassen etc.) ehr Spraak inbrocht hebbt un sik so allgemeen över Dialektgrenzen verständliche Wöör dörsett hebbt.
This article uses material from the Wikipedia Plattdüütsch article Oostnedderdüütsch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.