Düütschland Bundsland

De Länner billt na jemehr Verfatens en Bundsstaat un keen Staatenbund.

Dat gifft siet de düütsche Weddervereenigung 1990 16 Bundslänner.

 

• Sleswig-Holsteen (15)
• Hamborg (6)
• Mekelnborg-Vörpommern (8)
• Neddersassen (9)
• Bremen (5)
• Brannenborg (4)
• Berlin (3)
• Sassen-Anholt (14)
• Sassen (13)
• Döringen (16)
• Hessen (7)
• Noordrhien-Westfalen (10)
• Rhienland-Palz (11)
• Saarland (12)
• Baden-Württemberg (1)
• Bayern (2)

De Länner hebbt na Jurisdikschoon un de herrschende Ansicht in de Rechtswetenschoppen originäre Staatsgewalt un dormit Staatsqualität. Jemehr Egenstaatlichkeit un grundsätzliche Saakentscheidungsbefugnis baseert op Artikel 30 von dat Grundgesett för de Bundsrepublik Düütschland. Se verscheelt von gewöhnliche Staaten aver dor dör, dat jemehr (partielle) Völkerrechtssubjektivität von de von’n Bund „abgeleitet [= derivativ] und nicht originär ist“ un jem so „durch die Bundesverfassung Kompetenzen in auswärtigen Angelegenheiten eingeräumt werden.“ Von dor her köönt de Länner Verdrääg mit annere Völkerrechtssubjekte afsluten, aver in de Regel blots mit Tostimmung von de Bundsregerung un so wied se för de Gesettgevung tostännig sünd. Staatsverdrääg, de vörher al bestahn hebbt, so as de Salinenkonventschoon twüschen Bayern un Öösterriek von 1829 staht dor nich gegenan. Veelmehr sünd de Länner unmiddelbor oder ok as Nafolgstaaten – so as in’n Fall von dat Prüßenkonkordat – an ole Staatsverdrääg bunnen.

De Bundsrepublik kann as de staatsrechtliche Verbinnung von ehr Länner ansehn warrn, is also Bundsstaat in’n egentlichen Sinn (Art. 20 GG). Dorüm kriggt de Bund eerst dör düsse Verbinnung von siene Deelstaaten sülvs Staatscharakter.

• Werner Künzel/Werner Rellecke: Geschichte der deutschen Länder, Münster 2005, ISBN 3-402-03416-6
• Hans Georg Wehling: Die deutschen Länder. Geschichte, Politik, Wirtschaft, 2004, ISBN 3-531-43229-X
• Sven Leunig: Die Regierungssysteme der deutschen Länder. Springer VS, 2. Aufl. 2012, ISBN 978-3-531-17421-1
• Sven Leunig: Die Regierungssysteme der deutschen Länder im Vergleich. Budrich, Opladen 2007, ISBN 3-8252-2844-4