Rosa Canina Wilde Roze

De struke kump van neture veur in Europa, Noord-West Afrika en West-Azië. In Noord-Amerika is de plaante in-evoerd.

De struke kan 1 tot 3 meter hoge wonnen. De blaojen en takken bin greun of soms roodachtig an-eleupen en hem an de onderkaante gien klieren. De stekels bin grotendeels haakvormig ebeugen.

De wilde roze bleuit in juni en juli mit 4 tot 6 centimeter grote, witte of roze bloemen. De kroonblaojen bin veul langer as de kelkblaojen. De vruch is een ovaalvormige, rood-oranje, 1,5 tot 2 centimeter grote bottel. De zaojen kunnen zich zonder bevruchting ontwikkelen.

Disse roze kump veur op voedselrieke, neet te zure, neet te duustere plekken, zoas in de Maasheggen. Deur zien stekels bescharmp e zichzelf tegen vraot.

Van de rozebottels wonnen onder aandere jam emaak. De rozebotteljam is riek an vitamine C. Veerder bevat een rozebottel oek vitamine A, B1 en B2.

De wilde roze kump mit name veur langse bosranen, in heggen en in struukgewassen. De bloemen wonnen deur biejen besteuven, de bottels wonnen grege egeten deur verschillende soorten voegels, zoas de keuperwiek en de kramsvoegel in de maonden december, jannewaori en febrewaori.

• Duuts: Hunds-Rose
• Engels: Dog Rose
• Frans: Églantier, Églantier des chiens
• Nederlaans: hondsroos

• Veluws:
  • ho(e)ndsroos, hondsroze
  • wilde roos, wilde roze
  • kannetjesdoren (Barreveld)

• Wilde roze (Rosa eglanteria)

• SoortenBank.nl - beschrieving en ofbeeldingen

•  
  Wilde roze, bloeme
•  
  Wilde roze, rozebottels
•  
  Wilde roze, stekels
•  
  Wilde roze, rozebottels

Commons: Wilde roze - plaatjes, filmkes en/of gelüüdsbestanden.

Commons: Rozebottels - plaatjes, filmkes en/of gelüüdsbestanden.