t Nederlaands is n Indo-Europese en Germoanse, West-Germoanse, Nederduutse, Nederfrankische, West-Nederfrankische toal.
Dizze toal wordt veural in Nederlaand, Floandern, Frans-Floandern, Surinoam, Aruba, Kuresou, Sunt Meerten en op de Nederlaandse Antillen sproken. De offisjele toal, zo as of dat t onderwezen wordt op de schoulen, en dat t bruukt wordt deur de autoriteiten, wordt 'Standaardnederlands' nuimd (vrogger: 'Aalgemain Beschoafd Nederlaands' (ABN)). t Nederlaands wordt (nait in aal de gevallen krekt) ook wol aanduud as Vloams (in Belgie), Hollaands (veuraal in Noordbroabant, Limbörg, Noord- en Oost-Nederlaand) en Nederduuts (deur historisch toalkundegen). In Indonesie, t veurmoaleg Nederlaands-Indie is ter nog n redelk aantel aan mìnsken dij t Nederlaands proaten kennen. Dit binnen veuraal de wat ollere lu. Ien t noordelk Rhainlaand wuir t Nederlaands nog tot om en bie 1865 broekt worden deur de haile bevolken. Ien Kleve is t pas om en bie 1935 deur t Hoogduuts vervongen worden. t Dialekt dat tegenswoordeg ien t Klevelaand proat wordt is den ook staark verbonden mit dij aan aander kaant van de Nederlaandse grìns, maisttied wordt t zulfs tot t Zuud-Gelders rekend.
t Standoardnederlaands is vanof de 16e aiw ontwikkeld worden; de omvangrieke Nederlaandse Biebelvertoalen, de Stoatenbiebel (1637), het d'r veul wille van had. Boasis van Standoardnederlaands vörmden de Frankische dialekten van steden as Amsterdam, Haarlem en Leiden in t gewest Hollaand. Nedersaksische elementen binnen veural de waarkwoordsvörms op -acht (bracht, gebracht; dacht, gedacht) en t weeromkerend veurnoamwoord zich. Daarde grode dialektgroep in de Lege Landen, t Frais, is bie de ontwikkelen van t Standoardnederlaands haldaal negeerd worden. Op boasis van dizze dialekten is n zölfstaandige Fraise standoardtoal in wezen brocht.
Indo-europeeske talen > germaanske talen > | ||
noordgermaanske talen: | westgermaanske talen: | oustgermaanske talen: |
däänsk | färöösk | noorsk | norn* | sweedsk | yslandsk | afrikaansk | düütsk | engelsk | freesk | jiddisj | limbörgsk | luxembörgsk | neaderlandsk | sassisk | skotsk | wilmesauersk** | burgondisk* | gotisk* | vandaalsk* | krimgotisk* |
* = uutstorven taal ** = mid uutstarven bedreigd |
This article uses material from the Wikipedia Nedersaksisch article Nederlaands, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.