Weerlucht

t Wordt vörmd deur n elektrische ontloaden ien atmosfeer.

Weerlucht is ain van de gevoarliekste weersverschiensels. t Is den ook roadzoam om beschaarmen tou zuiken, wizze waiten wan t gewitter dichtbie is en de tied tuzzen weerlucht en dunder minder as 10 sekonden is. t Gevoar om perseunlieks deur weerlucht roakt tou worden is relatief lutk, môr de gevolgen kinnen eernseg wezen. Gemiddeld worden in Nederlaand vief mìnsken per joar dodelk deur weerlicht roakt. Vrouger lag dit aantel nog veul hoger: er wörren honderd joar heer sikkom 20 mìnsken per joar dodelk roakt ien Nederlaand allinneg al.

t Weerlucht gaait van boven, ien de gewitterswolken, noar beneden noar de grond tou. Omdat t noar beneden gaait, zuikt t aaltieds t hoogste punt om ien te sloan. Doarom is t verstaandeg dat as joe aargens boeten binnen, ien t vèld bieveurbeeld, dat joe ien tieds van gewitter op grond of, nog beter, in n sloot of n greppel liggen goan. Op dizze wieze is de kaans dat joe roakt worden nog klainder. Doch moutst wel oppazen dat joe nait aal te nat, vanoet sloot, weer omhoog goan ien tieds dat t weerlucht der nog is. Woater laaidt elektriziteit, woardeur de kaans dat joe roakt worden weer groter wordt.

• Drèents:
  • bliksem
  • weerlicht, weerlocht
• Grunnegs: weerlucht
• Stellingwarfs: bliksem
• Tweants:
  • löchn
  • bliksem
• Veluws:
  • weerloch, wee(r)licht
  • bliksem