Ska is nen meziekstiel den't is ontstoan op Jamaika zo um en noabiej de joarn '50 van n twentigsten eeuw, duurdet Jamaikaanse jazzspöllers t kenmoarknde jazzritme oawer de moate hen skeuwn, en dus neet mear op n tel, mear noa de tel speuldn.
De Jamaikaann lusterdn völle noar Amerikaansen rhythm & blues en jazz, wat toew oawer de hele wearld bekeand was. De Jamaikaann woln det zelf ook spöln en prebeerdn op alle meugelike maneern um t good noa te doon. Jazz hef n slaggitaar met stakkato-akkoordn recht op n tel. De Jamaikaann verskeuwn det tusken de teln in, woerduur t geheel vlotter kleunk en n gitaar better te heurn was. Dat gaf ook t walbekeande ska-geluud.
Umdet ska vake in eenn oam wörd eneumd met reggae en völle leu t verskil tusken dee twee fealik nit weett, wörd hier duur vergeliekn de peuntn op de riege zat woeran of ze te herkenn en te oonderskeaidn beent.
Toew dr völle Jamaikaann noar Engelaand emigreerdn noa n Jamaikaansn onofhaankelikheaid, en ska met zik metbrachn, wör disn stiel ook in Engelaand machtig geleefd. t Sleug zo an det blaanke jongern zik, net as de Jamaikaanse immigraantn in dee tied, n kop kaal sköarn en ne nieje groepering vörmdn: skinheads (kaalköppe). Later wör disn groep vake met rechts-extremisme in verbaand ebrach, mear in t begin har t hier niks met te steln. In de joarn '80 har ska duur bands as Madness en The Specials ne opleawing. Duur invlood van n aandern meziekstiel den populair was in dee tied, punk, kreeg ska oet Engelaand n aander geluud; t wör n luk schöarper. Dit heetn Two Tone-ska. Bekeande nommers doarvan zeent Baggy Trousers en Nightboat To Cairo van Madness en On My Radio van The Selecter.
Ook in Neerlaand wör Ska bekeand. Nit allene duur Engelse bands en öare hits, mer ook duur Neerlaandse bands, zo as Doe Maar, dee't in de joarn '80 grote hits hadn. Ook Guus Meeuwis har ne kleaine hit met Verliefd zijn is veel leuker. Aandere Neerlaandse skabands zeent o.m. The Upsessions, Rude Rich & The High Notes en The Bouncers.
Disse bladziede is eskreeuwn in t Riesns |
This article uses material from the Wikipedia Nedersaksisch article Ska, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.