Eardkorst
n Eardkorst is de boetnste loage van de vaste earde, dee't heuwdzakelik oet gesteente as granodioriet, gabbro en basalt besteet.
n Korst is t böawnste deel van de lithosfeer en al t gesteente en t bezeenksel wat an t oppervlak ligt, heurt dr bie.
De boawngreanze van n korst neumt ze t eardoppervlak en de greanze tusken n korst en n maantel neumt ze t Mohorovičić-veraanderingsdeel (of kortweg Moho). Dit vaalt nit good te oonderzeukn, want zo depe köant de groondboarn nit komn. Um t toch te metn hebt ze seismologies metn edoan, woerbie't snelheaid van seismiese golvn duur t gesteente bepaald wörd. In n eardkost treft ze mangs op verskeaidene deeptes n aander seismies veraanderingsdeel, t Conradveraanderingsdeel. n Korst wörd mangs verdeeld in nen boawnkorst, den't boawn dit veraanderingsgebeed zit en nen oonderkorst, den't dr oonder zit. Skoonwal't de chemiese saamstelling bie dissen oawergaank nit slim lik te veraandern, kan dr ezegd wördn at n oonderkorst oet meender hydrateerde en basiese gesteenten besteet as n boawnkorst.
 | Dit artikel is eskreaven in et twentsk. |
This article uses material from the Wikipedia Nedersaksisch article Eardkorst, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.