ပြင်ဦးလွင်မြို့နယ် သည် မြန်မာနိုင်ငံ၊ မန္တလေးတိုင်းဒေသကြီး၊ ပြင်ဦးလွင်ခရိုင်တွင် တည်ရှိသည်။ မြို့နယ်ရုံးစိုက်ရာမြို့မှာ ပြင်ဦးလွင်မြို့ဖြစ်သည်။
ပြင်ဦးလွင်မြို့နယ် | |
---|---|
မန္တလေးတိုင်းအတွင်းရှိ မြို့နယ် | |
ပြင်ဦးလွင်ခရိုင်အတွင်းတည်နေရာ | |
ပြင်ဦးလွင်ခရိုင်အတွင်းတည်နေရာ | |
ကိုဩဒိနိတ်: 21°59′N 96°34′E / 21.983°N 96.567°E | |
နိုင်ငံ | မြန်မာ |
တိုင်းဒေသကြီး | မန္တလေး |
ခရိုင် | ပြင်ဦးလွင် |
မြို့နယ်ရုံးစိုက်ရာမြို့ | ပြင်ဦးလွင်မြို့ |
လူဦးရေ (၂၀၁၄) | |
• စုစုပေါင်း | ၂၅၅,၅၀၈ |
အချိန်ဇုန် | မြန်မာစံတော်ချိန် (UTC+6:30) |
မဟာသောဘိတရာမတိုက် (ဈေးတောင်ကျောင်းကြီး)တည်ရှိရာ အောင်မြေဘုံသာမဟာဆုတောင်းပြည့်ဘုရားခြေတော်ရင်းတွင် သက္ကရာဇ်၁၂၇၀ အေဒီ၁၉၀၈တွင် စိုက်ထူခဲ့သည့်ကျောက်စာအရ ပုဂံမင်းလက်ထက် သက္ကရာဇ် ၁၂၁၂၊အေဒီ ၁၈၅၀တွင် ပြင်ဦးလွင်ကို စတင်တည်ထောင်ခဲ့ကြောင်း သိကြရသည်။ ပြင်ဦးလွင်ဟူသောအမည်ကို သက္ကရာဇ် ၁၁၄၉၊အေဒီ၁၇၈၇ ဗဒုံမင်းလက်ထက်တွင်ထုတ်ပြန်သော အမိန့်တော်တစ်ခု၌ အုန်းတော၊ငှက်ကြီးသိုက်၊ဆင်ခေါင်းကြီး၊ ဝက်ဝံရွာအမည်များနှင့် တွဲလျက်ပါရှိသောကြောင့် ထိုစဉ်ကပင် တည်ရှိနေသည်ဟုယူဆရသည်။၁၈၈၆ခုနှစ်တွင် အမှတ်(၅)ဘင်္ဂလားတပ်ရင်းမှ ဗိုလ်မှူးမေသည် ပြင်ဦးလွင်ကိုရောက်ရှိလာပြီး ရွာမှမြို့အဆင့်သို့ တိုးမြှင့်ဆောင်ရွက်ခဲ့သောကြောင့် မေကိုအစွဲပြုကာ ပြင်ဦးလွင်မှ မေမြို့ဟုပြောင်းလဲခေါ်တွင်စေသည်။၁၉၈၉ခုနှစ် နိုဝင်ဘာ၁၈ရက်နေ့တွင် ပြည်ထဲရေးနှင့် သာသနာရေးဝန်ကြီးဌာန၏အမိန့်အရ မေမြို့မြို့နယ်နှင့် မေမြို့တို့ကို ပြင်ဦးလွင်အမည်များ ပြန်လည်ပြောင်းလဲခဲ့သည်။ မြို့တည်နှစ် ၁၀၀ပြည့်ပွဲကို ၁၉၉၆ခုနှစ်တွင် ကျင်းပခဲ့သည်။
မြောက်လတ္တီတွဒ် ၂၁ဒီဂရီ ၄၈မိနစ်နှင့် ၂၂ဒီဂရီ ၁၂မိနစ် အကြား၊ အရှေ့လောင်ဂျီတွဒ် ၉၆ဒီဂရီ ၁၂မိနစ်နှင့် ၉၆ဒီဂရီ ၄၅မိနစ်အကြားတွင် တည်ရှိသည်။ အရှေ့မှ အနောက်သို့ မိုင်၃၀၊ တောင်မှမြောက်သို့ ၄၆မိုင်ရှိပြီး ၇၆၃.၇၄စတုရန်းမိုင် ကျယ်ဝန်းသည်။
ပြင်ဦးလွင်မြို့နယ်၏ အရှေ့ဘက်နှင့် မြောက်ဘက်တွင် ရှမ်းပြည်နယ်ရှိ နောင်ချိုမြို့နယ်၊အနောက်ဘက်တွင် ပုသိမ်ကြီးမြို့နယ်၊ မတ္တရာမြို့နယ်နှင့် တောင်ဘက်တွင် ကျောက်ဆည်မြို့နယ်တို့ တည်ရှိသည်။
ပင်လယ်ရေမြေနှာပြင်အထက် အနိမ့်ဆုံး ၂၀၅ပေ၊ အမြင့်ဆုံး ၄၂၉၅ပေအထက်တွင်တည်ရှိကာ တောင်ကုန်းတောင်တန်း ထူထပ်သောဒေသဖြစ်သည်။ မြစ်၊ချောင်း နည်းပါးသောမြို့နယ်ဖြစ်ကာ ဒုဌဝတီမြစ်မှာ မြောက်မှတောင်သို့ စီးဆင်းနေသည်။
ပြင်ဦးလွင်မြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဓနုလူမျိုးများ အများဆုံးနေထိုင်ကြသည်။ ထို့နောက် ရှမ်း၊ဓနု၊ကချင်၊ကရင်၊ချင်း၊ရခိုင်၊ကယားနှင့် မွန်လူမျိုးများ အစဉ်လိုက်များပြားစွာနေကြသည်။ ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ခရစ်ယာန်၊ဟိန္ဒူကိုးကွယ်သူဦးရေမှာ အစဉ်လိုက်များပြားသည်။ မြို့နယ်ဦးရေ၏ ၀.၀၇%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် တရုတ်၊အိန္ဒိယ၊၊ပါကစ္စတန်၊ဘင်္ဂလားဒေ့ရှ်နှင့် အခြားစသည့်လူမျိုးများဖြစ်သည်။
ပြင်ဦးလွင်မြို့နယ်သည် မန္တလေးတိုင်းအတွင်းရှိ စီးပွားရေး အသင့်အတင့်ကောင်းမွန်သောမြို့နယ်ဖြစ်သည်။ မြို့နယ်နေလူထုသည် စိုက်ပျိုးရေးလုပ်ငန်းနှင့် ဝန်ဆောင်မှုလုပ်ငန်းကို အဓိကထားလုပ်ကိုင်ကြသည်။ မန္တလေး-လားရှိုး ပြည်ထောင်စုလမ်းမကြီးဖြတ်သန်းသွားရာဖြစ်၍ ကုန်စည်စီးဆင်းမှုကောင်းသည်။ မြို့နယ်၏အဓိကထွက်ကုန်မှာ ရာသီသီးနှံဖြစ်သော ပန်း၊နေကြာ၊မက်မန်း၊စတော်ဘယ်ရီနှင့် ဆွယ်တာအဝတ်အထည်များဖြစ်ကာ မန္တလေးနှင့် ရန်ကုန်မြို့များသို့ အများဆုံးတင်ပို့ရောင်းချသည်။ နိုင်ငံပိုင် မီးရထားစက်ခေါင်းစက်ရုံ၊ပုဂ္ဂလိကအလုပ်ရုံ၂၉ရုံ၊အိမ်တွင်းစက်မှုလက်မှုလုပ်ငန်း ၃၃ခုရှိသည်။
ပြင်ဦးလွင်မြို့နယ်တွင် တပ်မတော်ပိုင် အနီးစခန်းလေဆိပ်ရှိသည်။ မန္တလေး-လားရှိုး မီးရထားလမ်းပိုင်းသည်၃၈မိုင်ခန့်ဖြတ်သန်းသွားသည်။အမှတ်(၃)လမ်းမကြီးဖြတ်သန်းသွားရာမြို့နယ်ဖြစ်၍ အခြားမြို့နယ်များသို့ အလွယ်တကူသွားနိုင်သည်။ ပြင်ဦးလွင်-မိုးကုတ်လမ်းမှတစ်ဆင့် မိုးကုတ်မြို့နယ်သို့သွားနိုင်သည်။
အထက်တန်းကျောင်း ၉ကျောင်းရှိသည်။
မူလတန်း၊မူလွန်၊အလယ်တန်း(ခွဲ) ၁၂၇ကျောင်းရှိသည်။
ပြင်ဦးလွင်မြို့နယ်တွင် ပါဝင်သော ကျေးရွာအုပ်စုများမှာ အောက်ပါအတိုင်း ဖြစ်သည်။
အင်းထိပ်ဦး== ကိုးကား ==
This article uses material from the Wikipedia မြန်မာဘာသာ article ပြင်ဦးလွင်မြို့နယ်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.