La funçon de Probedor de Justícia Ouropeu fui anstituída pul Tratado de la Ounion Ouropeia de Maastricht (Países Baixos) an 1992 (Art.
195). L Probedor de Justícia (sede an Strasburgo, Fráncia) atua cumo mediador i ombudsman (probedor) antre ls cidadanos i la admenistraçon de la Ounion Ouropeia. Ten cumpeténcias para recebir i ambestigar queixas apersentadas por qualquiera cidadano, ampresa ó anstituiçon de la Ounion Ouropeia ó qualquiera pessona singular ó coletiba que more ó tenga la sue sede statutária nun paíç de la Ounion Ouropeia.
Las queixas puoden ser apersentadas por carta simples ó por un formulairo de queixa eiletrónico an qualquiera de las 23 lhénguas oufeciales de la Ounion Ouropeia. Zde 1 de janeiro de 2000 até 31 de dezembre de 2003, l Probedor de Justícia recebiu 8549 queixas, antre eilhas cerca de 30% anserian-se na sfera de l mandato de l'uorgano. L mais de las queixas dízen respeito a causos de mala admenistraçon por parte de la Comisson Ouropeia i la falta de trasparéncia. Ls países d'adonde ben l mais de las queixas son de la Almanha, Spanha, Fráncia i Eitália.
L Probedor de Justícia ye eileito pul Parlamiento Ouropeu por un período renobable de cinco anhos, que corresponde a ua lhegislatura de l Parlamiento Ouropeu. An 1995, l finlandés Jacob Söderman fui eileito l purmeiro Probedor de Justícia Ouropeu atuando até 2003. Nikiforos Diamandouros, anterior Probedor de Justícia de la Grécia, assumiu l cargo an 1 de Abril de 2003 i fui reileito an Janeiro de 2005 para un mandato de cinco anhos.
This article uses material from the Wikipedia Mirandés article Probedor de Justícia Ouropeu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.