Software, logiciairo ó suporte lógico ye ua sequéncia d'anstruçones la séren seguidas i/ó eisecutadas, na manipulaçon, redirecionamiento ó modificaçon dun dado/anformaçon ó acuntecimiento.
Software tamien ye l nome dado al cumportamiento eisibido por essa sequéncia d'anstruçones quando eisecutada nun cumputador ó máquina semelhante para alhá dun perduto zambolbido pula Angenharie de software, i anclui nun solo l porgrama de cumputador propiamente dezido, mas tamien manuales i specificaçones. Para fines cuntábeis i financeiros, l Software ye cunsidrado un bien de capital.
Este perduto passa por bárias etapas cumo: análeze eiquenómica, análeze de requesitos, specificaçon, codificaçon, teste, documentaçon, Treinamiento, manutençon i amplantaçon ne ls ambientes.
Un porgrama de cumputador ye cumpuosto por ua sequéncia d'anstruçones, que ye anterpretada i eisecutada por un processador ó por ua máquina birtual. Nun porgrama correto i funcional, essa sequéncia segue padrones specíficos que resultan nun cumportamiento zeiado.
L termo "software" fui criado na década de 1940, i ye un trocadilho cul termo hardware. Hardware, an anglés, senefica ferramienta física. Software serie todo l que faç l cumputador funcionar scetuando-se la parte física del.
Un porgrama puode ser eisecutado por qualquiera çpositibo capaç d'anterpretar i eisecutar las anstruçones de que ye formado.
Quando un software stá repersentado cumo anstruçones que puoden ser eisecutadas diretamente por un processador dezimos que stá scrito an lenguaige de máquina. L'eisecuçon dun software tamien puode ser antermediada por un porgrama anterpretador, respunsable por anterpretar i eisecutar cada ua de sues anstruçones. Ua catadorie special i l notable d'anterpretadores son las máquinas birtuales, cumo la máquina birtual Jaba (JBM), que simulan un cumputador anteiro, rial ó eimaginado.
L çpositibo mais coincido que çpone dun processador ye l cumputador. Atualmente, cul barateamiento de ls microprocessadors, eisisten outras máquinas porgramables, cumo telemoble, máquinas de outomaçon andustrial, calculadora etc.
Un porgrama ye un cunjunto d'anstruçones pa l processador (lenguaige de máquina). Antretanto, puode-se outelizar lenguaiges de porgramaçon, que traduza comandos an anstruçones pa l processador.
Normalmente, porgramas de cumputador son scritos an lenguaiges de porgramaçon, pus estas fúrun porjetadas para aprossimar-se de las lenguaiges ousadas por seres houmanos. Raramente la lenguaige de máquina ye ousada para zambolber un porgrama. Atualmente eisiste ua cantidade mui grande de lenguaiges de porgramaçon, dentre eilhas las mais populares ne l momiento son Jaba, Bisual Basic, C, C++, PHP, dentre outras.
Alguns porgramas feitos para usos specíficos, cumo por eisemplo software ambarcado ó software ambutido, inda son feitos an lenguaige de máquina para oumentar la belocidade ó diminuir l spácio cunsumido. An to causo, la melhorie de ls processadores dedicados tamien ben diminuindo essa prática, sendo la C ua lenguaige típica para esse tipo de porjeto. Essa prática, mas, ben caindo an desuso, percipalmente debido a la grande cumplexidade de ls processadores atuales, de ls sistemas ouperacionales i de ls porblemas tratados. Mui raramente, rialmente solo an causos scepcionales, ye outelizado l código de máquina, la repersentaçon numérica outelizada diretamente pul processador.
L porgrama ye einicialmente "carregado" na mimória percipal. Passado carregar l porgrama, l cumputador ancontra l Antry Point ó punto enicial d'antrada de l porgrama que carregou i lé las anstruçones sucessibamente byte por byte. Las anstruçones de l porgrama son passadas pa l sistema ó processador adonde son traduzidas de la lenguaiges de porgramaçon pa la lenguaige de máquina, sendo an seguida eisecutadas ó diretamente pa l hardware, que recibe las anstruçones na forma de lenguaige de máquina.
Qualquiera cumputador moderno ten ua bariadade de porgramas que fázen dibersas tarefas. Eilhes puoden ser classeficados an dues grandes catadories:
Inda ye possible ousar la catadorie Software ambutido ó software ambarcado, andicando software çtinado a funcionar drento dua máquina que nun ye un cumputador d'uso giral i normalmente cun un çtino mui specífico.
Atualmente, tenemos un nuobo tipo de software. L software cumo serbício, que ye un tipo de software armazenado nun cumputador que se acessa pula anterneta, nun sendo necessairo anstalá-lo ne l cumputador de l'usuairo. Giralmente esse tipo de software ye gratuito i ten las mesmas funcionalidades de las bersones armazenadas localmente.
Outra classeficaçon possible an 3 tipos ye:
La maiorie de l software ye publicado sob ua licença de software. Essa licença define i até restringe qual la forma que se puode outelizar l software defenido númaros de licenças, modificaçones antre outros. Eisemplos de licenças:
This article uses material from the Wikipedia Mirandés article Software, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.