La persença de l pintassilbo stá lhigada a la acupaçon houmana, quier associada la zonas agrícolas, quier an parques i jardines ourbanos. Tamien aparece an zonas florestadas cun clareiras, montados i bosques, eibitando subretodo las manchas florestales densas.
Antre Douro i Minho – esta ye la region adonde l pintassilbo ye menos quemun, aparecendo an pequeinhos númaros nas matas de la serra de l Gerés, na beiga de la Areosa i ne l bal de l Lhima, an special acerca de Puonte de Lhima.
Trás-ls-Montes – pouco abundante nesta region, puode ser ouserbado nas serras de Montesinho i de la Corona, ne l Praino Mirandés, ne l baixo Sabor i an Barca d’Alba.
Lhitoral centro – aparece cerca de la lhagona de Óbidos, ne l baixo Mundego i nas serras de Aire i Candieiros.
Beira anterior – fácele de ouserbar nesta region adonde stá persente an lhocales cumo l Teijo Anternacional, la zona de l Sabugal, Bilar Formoso i l praino de Almeida.
Lisboua i Bal de l Teijo – ye frequente nalguns lhocales de la cidade de Lisboua, cumo l parque de l Teijo i l parque de Munsanto, assi cumo an jardines lhisboetas. Ye ua spece quemun an lhocales cumo l stuário de l Teijo, percipalmiente an Pancas i na Punta de la Yerba, assi cumo na cuosta de l Storil, ne l cabo de la Ruoca i na bárzea de Lhoures. Aparece tamien ne l cabo Spixel, adonde se cungrégan grandes bandos durante l Outonho, i na serra de la Arrábida. Mais a muntante ne l bal de l Teijo, tenemos l paul de l Boquilhobo cumo lhocal adonde esta spece ye bastante quemun.
Alanteijo– trata-se dua abe quemun nesta region. Na parte norte de l Alanteijo, puode ser ouserbada an Alpalhon, na barraige de la Pruoba, na albufeira de Montargil, na zona de Eilbas i an Arraiolos. Na zona sul, aparece nas prainadas de Castro Berde, na zona de Moura i na zona de Mértola, i mais junto al lhitoral, ne l stuário de l Sado i na lhagona de Santo André.
Algarbe – l pintassilbo ye mui quemun nesta region, sendo frequente cerca de las zonas húmidas desta region, cumo la ribeira de Albor, la lhagona de l Salgados, l Lhudo i la Quinta de l Lhago, assi cumo nas zonas anteriores, de que son eisemplo la serra de l Caldeiron i la Peinha de la Pena. Na zona de Sagres ye ua spece quemun, assi cumo nas prainadas cercanas.
This article uses material from the Wikipedia Mirandés article Pintassilbo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.