Ariel ye un de ls cinco satélites naturales (lhuna) de l planeta Ourano çcubierto an 24 d'outubre de 1851 por William Lhassell.
Ariel fui çcubierto juntamente cun ua outra lhuna de Ourano, Umbriel.
Ariel | |
---|---|
Ariel an tones de cinza pula Voyager 2 an 1986. | |
Caratelísticas orbitais | |
Caratelísticas físicas | |
Albedo |
|
Magnitude aparente | 14,4 (R-band) |
Ariel ye l nome dun silfo (criatura mitológica) ne l poema "Rape of the Lock" de l Alexandre Pope. Tamien ye l nome de l sprito que sebia Próspero na peça teatral Tempestade de William Shakespeare.
L nome "Ariel" i l nome de todos ls quatro satélites de Ourano fúrun sugeridos por John Herschell an 1852 quando cunsultado por Lassel. Lhassell yá tenie antes andossado l squema que Herschel usou para batizar an 1847 las siete anton coincidas lhunas de Saturno. An 1848 quando Lassel çcubriu l'oitaba lhuna de Saturno, el la batizou cul nome Heipérion usando l mesmo squema de Herschell. L'adjetibo relatibo la "Ariel" ye "Arieliano".
Ariel tamien ye chamado de Ourano I (Uranus I).
Las purmeiras i inda çtantes ouserbaçones de Ariel fúrun feitas pula sonda Voyager 2 durante sou bóo al redror de Ourano an 1986. La Voyager 2 fizo sue maior aprossimaçon de Ariel an 24 de janeiro de 1986 i passou a a 127 mil Km de la lhuna Debido al fato de que solamente l polo Sul de Ariel stá birado pa l Sol, solamente l'heimisfério sul puode ser fotografado (eimageado).
Ariel ye un satélite relatibamente pequeinho, mas, inda si ten cumo mérito ser la lhuna mais brilhante de Ourano. Sue superfice ye marcada por crateras i son ancontrados tamien grandes bales an fendas que se stenden por to superfice.
La cumposiçon de Ariel ye d'aprossimadamente 70% de carambelos (auga cungelada, dióxido de carbono an stado sólido, i possiblemente tamien gélo de metano) i 30% de peinhas cumpuostas por selicatos. Alguns lhugares de Ariel parécen star cubiertos por geada fresca, particularmente, an crateras mais recentes. La mais bielha i maior ounidade geológica ouserbada an Ariel pula Voyager 2 fui ua basta ária de prainadas craterizada ne l polo sul de l satélite. L'análeze de las crateras bistas nas prainadas craterizadas de Ariel sugere que la maiorie deilhas son mais recentes de l qu'aqueilhas bistas an Titánia, Ouberon, i Umbriel. La maior cratera ouserbada an ariel ye la cratera Yangor, cun solamente 78 Km de seçon, i mostra senhales de deformaçon zde sue formaçon. La Voyager 2 tamien ouserbou ua rede de falhas geológicas, canyones, i struturas an gélo çtribuídas al lhongo de las lhatitudes ne l meio de l'heimisfério sul de Ariel, quebrando la region de superfices craterizadas. Ls canyons probabelmente repersentan "grabenes" formados por falhas stensionales. Matéria lhisa i sulcos son bistos an bárias partes de la rede de bales de Ariel, sugerindo que l fondo de ls canyones stubo cubierto por carambelo morno ejetado de l'anterior de Ariel.
Acradita-se que ne l passado, las atebidades geológicas de Ariel ten sido probocadas por "calecimiento de maré" nun tiempo quando sue órbita era mais scéntrica de l que l'atual. Ne ls primórdios de sue stória, Ariel fui aparentemente caturado nua ressonáncia orbital 4:1 cun Titánia, d'adonde Ariel tenerie scapado. La ressonáncia tenerie oumentado la scentricidade orbital; resultando an friçon de maré debido a las fuorças de maré a partir de Ourano tenerien causado l calecimiento ne l'anterior de Ariel. Ne l sistema de satélites de Ourano, debido a l'auséncia d'achatamiento de l planeta, la l tamanho relatibamente grande de sou satélites, scapar a partir dun mobimiento an ressonáncia média ye mui mais fácele de l que pa ls satélites de Júpiter ó Saturno.
Nomes oufeciales ténen sido dados als seguintes tipos de falhas geológicas an Ariel:
This article uses material from the Wikipedia Mirandés article Ariel (satélite natural), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.