တ္ၚဲကဵုဒါန်ဆီဂကူမန် (အၚ်္ဂလိက်: Mon National Blood Donation Day ) ဂှ် ဗွဲလၟေၚ်သၞာံ ပ္ဍဲစၟတ်တ္ၚဲ ဂိတု ပုဟ် (၈) စွေက်မ္ဂး ကၠောန်သ္ပစၟတ်သမ္တီရ။ သ္ပဟိုတ်နူကဵု တၠဂုဏ် ဥက္ကံသ(ကော်) တၠဂုဏ် ဇြဝ်လာတ် ဒးဒုၚ်ရပ် စုတ်ထံၚ် ပ္ဍဲဂိတု ဂျာန်နဝါရဳ (၇) ၂၀၁၀ သၞာံ (၁၃၆၈ ဂိတုပုဟ် ၈ စွေက်) ဂှ် စၟတ်သမ္တီကၠုၚ် တ္ၚဲကဵုဒါန်ဆီမန်ရောၚ် တၠဂုဏ် သုခဟံသာ ဟီုရ။
19 January, 2016 ဂှ် ဒှ်တ္ၚဲစၟတ်သမ္တီကဵုဒါန်ဆီဂကူမန် မရနုက်ကဵု (၆) ဝါတုဲ နကဵုဂလာန်ပိုဒ်မ္ဂး "ဆီရာမည သွက်ဇန်လောက" သာ်ဝွံကၠောန်သ္ပ သမ္တီလဝ်နွံရ။
စၟတ်သမ္တီတ္ၚဲကဵုဒါန်ဆီဂကူမန် မရနုက်ကဵု (၈) ဝါဂှ် ဌာန-ကွာန်ကအ်ခပဳထဝ် ၊ ပွိုၚ်ဍုၚ်မုဟ်ဍုၚ် လေဝ် ကၠောန်ဗဒှ်လဝ်ကီုရ။
တ္ၚဲကဵုဒါန်ဆီ ဂကူမန် မရနုက်ကဵု ၃ ဝါဂှ် ကၠောန်ဗဒှ်ဏာ လ္တူဍုၚ်မတ်မလီု၊ ဍုၚ်မုဟ်ဍုၚ်ကေုာံ ဍုၚ်ဇြပ်ဗုတံပိဒၞဲါတုဲ ခမဳသၚ်၊ ဂကောံသၟတ်ကဵုကွးဘာတံကီု ကဵုလဝ်ဒါန်ဆီရ။
အသေအဟာန် ကဵုဒါန်ဆီလ္တူဍုၚ်မတ်မလီုဂှ် ကၠောန်ဗဒှ် ဒၞာဲဘာဇၞူတၠရတ် ပ္ဍဲစၟတ်တ္ၚဲ ၃ ဂိတု ဖေဖဝ်ဝါရဳဂှ်တုဲ ခမဳသၚ်မန် ၅၀ ဇကုကဵု ကွးဘာတက္ကသဵု ၁၅ တၠတံ အာကဵုဒါန်ဆီပ္ဍဲရုၚ်ဂဥုဲဇၞော်ဍုၚ်မတ်မလီုကေုာံ ရုၚ်ဂဥုဲ ၚိုဲမဵုဂှ် ညးက္ဍိုက်ပ်ဂကောံ ရာမညလောဟိတ တၠဂုဏ် ဥက္ကံသ(ကော်)ဇြဝ်လာတ် ဟီုမြော်ရ။
လ္တူဍုၚ်မုဟ်ဍုၚ်ဂှ် ခမဳသၚ်ပွိုၚ်ဍုၚ်မုဟ်ဍုၚ်အပံၚ် ၜိုတ် ရ၀ ဇကုကဵု သၟတ်ၜိုတ် ၂၀တၠ၊ လ္တူဍုၚ်ဇြပ်ဗုဂှ် ခမဳသၚ်မန် ကေုာံ သၟတ်တံ ၜိုတ် ၁၀၀ တၠ ကဵုလဝ်ဒါန်ဆီဂှ် တၠဂုဏ်က္ဍိုက်ပ်ဂကောံ ကဵုဒါန်ဆီ ရာမညလောဟိတ တၠဂုဏ် သုခဟံသာဟီုမြော်ရ။
ရန်တၟံကဵုဒါန်ဆီဏံဂှ် သွက်မၞိဟ်ဒိုက်ဝါတ်ယဲ သြန်ဟွံမွဲတံ အခိၚ်ဟွံရုဲသွက်ဂွံ သုၚ်စောဲဆီမာန်ကီု သွက်ဂွံဒှ်စရာဲဂုဏ်ဖဵု အလုံဂကူမန်တံကီုတုဲ ကဵုကၠုၚ်ဒါန်ဆီရောၚ်ဂှ် တၠဂုဏ် သုခဟံဟာဟီုရ။
အသေအဟာန်တ္ၚဲကဵုဒါန်ဆီဂကူမန် မရနုက်ကဵု (၁၀) ဝါ ဂှ် ဂကောံရာမညလောဟိတ (ဗဟဵု) ဂကောံကဵုဒါန်ဆီဂကူမန် ကၠောန်ဗဒှ်ပ္ဍဲဌာန ဘာဗ္ဂေါပရိယတ္တိ ဍုၚ်မတ်မလီု ပ္ဍဲသၞာံ ၁၃၈၁၊ ဂိတုပုဟ် ၈ စွေက် တ္ၚဲသိုက် စၟတ်တ္ၚဲ (17.O1.2019) ရ။ ပ္ဍဲအစဳအဇန်တ္ၚဲဏအ်ဂှ် လၟေၚ် ၆ အစဳအဇန်ပါလုပ်တုဲ ပၞောဝ်တအ်ဂှ် အစဳအဇန်ဟီုတွံ၊ ဗှ်ထ္ၜးစရၚ်ကဵုဒါန်ဆီပွိုၚ်မွဲသၞာံ ကေုာံ ပတိုန်စရာဲကုညးကဵုဒါန်ပေၚ် ၅ အလန် ၁၀ အလန်တအ် ပါလုပ်ရ။ အစဳအဇန်ဂှ် စပ္တံ ၉ နာဍဳတုဲ သွက်ဂွံဟီုတွံ "ဖဵုကဵုဒါန်ဆီ"ဂှ် တၠဂုဏ်အ္စာသြဘာသ (M.A.)၊ "ဗီုမၚ်မွဲလွဳပရာဆီ"ဂှ် အ္စာၝောံ မိသိုက်ဆာန် (အထက်တန်းသူနာပြု-အထွေထွေရောဂါကုဆေရုံကြီး) တအ်ပါလုပ်ရ။ နဒဒှ်သ္ကိုပ်အခန်ဂှ် တၠဂုဏ်သူရိယ၊ တၠဂုဏ်ကောဏ္ဍည တအ်ညးၜါတၠ က္ဍိုက်ပ်ရေၚ်တၠုၚ်အာကဵုလဝ်ရ။
This article uses material from the Wikipedia မန် article တ္ၚဲကဵုဒါန်ဆီဂကူမန်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.