ဒပ်မည်

အတိုင် လိက်လလောင်တြး ဇာန္နဝါရဳ ၁၅၊ ၂၀၂၄ မ္ဂး ညးတာလျိုင် ဗော် ကေုာံ ဒပ်ပၞာန် အတိုင်ဗွဲသၟဝ်ဝွံ။

ညးတာလျိုင် ဗော်

• နာဲဗညာဟံင်ဍုင် (ဥက္ကဋ္ဌ)
• နာဲဇၞးမာန် (ညးအုပ်ကာ)
• နာဲထဝ်ရတ် (ဘဏ္ဍာ)

ညးတာလျိုင် ပၞာန်

• နာဲဇၞးမာန် (သေနာပတိ)
• နာဲကြက်ဂကူ (သၟိင်ဗညာ)
• နာဲတိုင်မန် (ကာပၞာန်)
• နာဲဗၠာဲဆာန် (တခဳ)

ဒပ်မည် ဝွံ ဒက်ပ္တန်လဝ် ပ္ဍဲ သၞာံ ၂၀၂၃ ဂိတုဂျောန် ၁၄၊ အခိင်မဒက်ဒပ်ဝွံဂှ် နွံဒြဟတ် သီုဖအိုတ် ၜိုတ် ၁၀ တၠတုဲ နာဲဒိန်ထဝ် ဒှ်သကိုပ်ဒပ်ရ။ ပ္ဍဲဂိတုအံက်တဝ်ဗါ ၂၀၂၃ (အံက်တဝ်ဗါ ၂၇ ဒှ်မာန်) နာဲဗော် ညးမအာဗတောန်လဝ် ကွတ်ပၞာန် ပ္ဍဲကချေန် မွဲကရောမ် ကုကောန်သ္ဂံင် ဒပ်စဵုဒၞာကၟိန်ဍုင်ရာမည ဂှ် လုပ်ပံင် ပ္ဍဲကဵု ဒပ်မည်ဝွံရ။ ကြဴနူ ဝဳဒဳယောဂှ် ပြးအာတုဲ နူကဵု ဒပ်စဵုဒၞာကၟိန်ဍုင်ရာမည ချူဗစိုပ်လိက် ကုသကိုပ်ဒပ် နာဲဒေန်ထဝ်၊ ဒဒှ်ရ နာဲဗော် မလုပ်ပံင်တောဲ ကုဒပ်မည်ဂှ် မုဟွံဆေင် ကဵု ဒပ်သၟတ်ရာမည (ဒပ်စဵုဒၞာကၟိန်ဍုင်ရာမည)။ တုဲပၠန် ဗၟံက်ထ္ၜးလဝ် ပရူ နာဲဗော်။ နာဲဗော်ဂှ် "ပ္ဍဲစၟတ်တ္ၚဲ ၁၈/၈/၂၀၂၃ ဟိုတ်နူ ရန်တၟံ မိက်ဂွံဒှ် ညးအာက္ဍိုပ်တုဲ နဲကဲနာနာ စန်ဒက် ပါ်ထ္ကး ပ္ဍဲဂကောံပိုဲတုဲ ဂြိပ်စဴကၠုင် နူဒေသကချေင်ရ။ ဟိုတ်ဂှ်ရ နကဵု သၟတ်မန်ဂၠံင်တရဴရာမည ကဆံင်လက္ကရဴအိုတ် စဵုကဵု ဒးပတိတ်ထောံ နူဒပ်သၟတ်"ရ။

ဒဳဇြေမ္ဗာ ၁၈၊ ၂၀၂၃ ဂှ် နူကဵု ဒပ်ဏအ် လလောင်တြး ဒဒှ်ရ နူကဵု နဝ်ဝေမ္ဗာ ၂၇၊ ၂၀၂၃ ဂှ် ညးက္ဍိုက်က္ဍိုပ်ဒပ် နာဲဒိန်ထဝ် ဒေါအ်ဇူ နူဒပ် နကဵု ဟိုတ်ပရေင်ထတ်ယုက် ဟွံခိုဟ်၊ တုဲ ဂိတုဒဳဇြေမ္ဗာ ၁၈ ဂှ် နကဵုဒပ် ခါန်ကၞက်ပ္တိုန် နာဲဇၞးမာန် နဒဒှ် ညးက္ဍိုက်က္ဍိုပ်ဒပ်ရ။