Шер Али Хан (1825–1879 оны 2 сарын 21) нь 1863-1866, мөн 1868-1879 он хүртэл төр барьсан, Афганистаны эмир юм.
Тэрээр Афганистаны Баракзайн династиг үүсгэсэн Дост Мухаммед Ханы 3 дахь хүү байв.
Тэрээр эцгээ нас барахад хаан ширээг нь залгамжилсан боловч удалгүй ах Мухаммед Афзал Хан нь түүнийг зайлуулж, өөрөө эмир болжээ. Хаан ширээний төлөө тэмцэл эцэстээ Шер Алигийн ялалтаар дуусч, тэрээр 1868 онд буцаж эмирийн суудалд суув. Түүний засаглалын жилүүдэд Афганистан нь Их Британи болон Орос улсуудын зөрчилдөөний талбар болж, аль аль нь нөлөөгөө Афганистанд тогтоохыг хичээж байсан бөгөөд Афганистан улс уг зөрчилдөөнд төвийг сахиж байлаа. Гэвч байдал хурцадсаар 1878 онд Англи-Афганы хоёрдугаар дайн гарав. Британийн хүч Кабулд орж ирэхэд Шер Али Хан нийслэлээ орхин, Орос улс руу дүрвэжээ. Тэрээр хаан ширээгээ өөрийн хүү Мухаммед Якуб Ханaд үлдээгээд Мазар-е Шарифт нас барсан юм.
Өмнөх Дост Мухаммед Хан | Афганистаны эмир 1863-1866 | Дараах Мухаммед Афзал Хан |
Өмнөх Мухаммед Афзал Хан | Афганистаны эмир 1867-1879 | Дараах Мухаммед Якуб Хан |
This article uses material from the Wikipedia Монгол article Шер Али Хан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.