Франц Улсын Төрийн далбаа (фр.
Франц Улсын Төрийн далбаа | |
---|---|
Далбааг таних тэмдэг: | ? |
Талуудын харьцаа: | 2:3 |
Албан ёсоор хэрэглэсэн: | Анх 1794 оны хоёрдугаар сарын 15, дараа нь 1848 оны гуравдугаар сарын 5-нд дахин нэвтрүүлсэн |
Төрийн далбаа нь босоо тэнхлэг дагуу (ишний дагуу) ижил өргөнтэй хөх, цагаан, улаан өнгө бүхий гурван өнгөт далбаа бөгөөд далбааны талуудын харьцаа нь 2:3. Тэнгисийн далбааны (Тэнгисийн цэргийн далбаа) хөх, цагаан, улаан өнгөнүүдийн харьцаа нь 30:33:37 харьцаатайгаар хуваагдсан байдаг. Энэхүү өөр харьцаа нь төрийн далбаа намирах үедээ усан онгоц дээрх далбааг мандуулсан багана талдаа хэт нарийхан биш харин гурван өнгийг ижил өргөнтэй мэт харагдуулах үүднээс ийм хийцийг сонгожээ.
1970-аад онд тус улсын ерөнхийлөгч агсан Валери Жискар д’Эстен төрийн далбааны хөх өнгийг бага зэрэг цэнхэр болгож өөрчилсөн. Тэр далбааны тэнгисийн гүн хөх өнгийг кобальт хөх болгон цайвар болгосон нь европын далбааны өнгөнд ойртуулсан хэрэг байв. Гэвч ерөнхийлөгч Эмманюэл Макрон 2020 оны долоодугаар сарын 14-нд төрийн далбааны өнгөний түүхийг түүхэн талаас нь бодон хуучин байсан гүн хөх өнгийг нь буцаан хэрэглэх шийдвэрийг гаргажээ. Үнэндээ энэхүү өөрчлөлт нь ямар эрх зүйн баримтад түшиглээгүй, ямар ч хууль дүрмийн заалтад үндэслээгүй байна. Мөн түүнчлэн энэ тухайгаа ямар ч байгууллагад мэдэгдээгүй байж байгаад нэг жил өнгөрсөн хойно сэтгүүлчдийн асуултад Ерөнхийлөгчийн Тамгын Газраас дээрх алхам нь нэгэн төрлийн зөвлөмж байсан гэдэг хариултыг өгчээ (фр. Démarche incitative).
Хөх | Цагаан | Улаан | |
---|---|---|---|
RGB | #000091 | #FFFFFF | #E1000F |
CMYK | 100.90.20.7 | 0.0.0.0 | 0.100.100.0 |
Францын хувьсгал хүртэл (1789 он оноос) болон сэргээн босголтын үеүдэд (1814–1830 он) ханы ордонд алтан шар өнгөтэй сараана цэцэг бүхий туг байсан нь үндсэндээ Францын төрийн далбаа байв. Энэ далбаа нь бас тэнгисийн далбаа байсан ба ханыг байх үед мандуулдаг байв. Энгийн цагаан өнгийн тугийг 17-р зуунаас 1790 оныг хүртэл тэнгисийн дайны далбаагаар ашиглажээ. Хан энэ усан онгоцонд өөрөө явах үед цагаан дэвсгэр дээр алтан шар сараанаар чимэглэсэн төв хэсэгтээ гурван ширхэг сараана цэцэг бүхий хөх өнгийн бамбай түүний дээр францын титэмтэй бөгөөд бамбайг хоёр тэнгэрийн сахиус өргөж буйгаар дүрсэлсэн далбааг мандуулдаг байсан аж.
This article uses material from the Wikipedia Монгол article Францын төрийн далбаа, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.