Русь (зүүн славаар Роусь, мөн Русь, Роусьскаѧ землѧ, грекээр Ρωσία, латинаар Russia, Rutheniа, эртний германаар Ruthenien, Reußen) гэдэг нь анх Дорнод Славчуудын нутаглаж байсан, Зүүн Европын түүхэн нутаг дэвсгэрийн нэршил юм.
Энэ нэр нь Русь гэх «иргэнээс» (ард түмэн) гаралтай бөгөөд эдгээр иргэд нь манай тооллын нэгдүгээр мянганы хоёрдугаар хагаст энэ бүс нутгийн гол, мөрний усаар дамжин ирсэн, норман угсаатан байж магадгүй хэмээн үздэг. Өнөөдөр энэ нэрийн гарлыг ихэвчлэн умард европын roðr ([родр] „сэлүүрдэх, сэлүүрдэгч баг“) гэх үгнээс гаралтай гэдэг. Энэ нутагт байгуулагдсан анхны улс нь 11-р зуунд цэцэглэн хөгжиж байсан Киевийн Русь юм. Орчин үеийн орос хэлэнд Русь гэх үгийг Орос Улстай утга ижил буюу өөрөөр хэлбэл Беларусь, Украины нутгийг нийлүүлснийг хэлнэ хэмээн утга зохиолын бүтээлүүдэд хэрэглэдэг байна..
Русийн гарлын тухай янз бүрийн онол байдаг. Хамгийн түгээмэл нь норманы онол бөгөөд түүнд варягичууд хэмээн бас нэрлэгдэх Русь иргэн Швед хавиас, Викингийн эринд баруун хойд орос руу нүүдэллэн ирсэн гэжээ. Үүний баталгаа нь 7-9-р зууны Латви болон 750 онд байгуулагдсан Старая Ладога (Хуучин Ладога) суурин хавиас олдсон археологийн олдворууд юм. Нэг зууны дотор тэдний хил зүүн өмнө зүгт Византын эзэнт гүрэн ба Халифат хүрчээ. Старая Ладогаас олдсон олдворт дорно дахины зоос болон 750-иад он орчмын үеийн олдворууд байсан нь энэ үед Зүүн тэнгисийн завьчид дорно дахины мөнгөн зоосыг ашиглаж байсан нь илэрхий.
This article uses material from the Wikipedia Монгол article Русь, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.