Либерал Ардчилсан Нам (ЛАН) (яп.
1955 оны 11 дүгээр сарын 15-нд анх Либерал болон Ардчилсан намууд хүчээ авч байсан социалистуудын эсрэг нэгдэж байгуулагдсан. Үүнээс хойш бараг ээлж халаагүй төрийн эрх барьж буй нам юм. Тус намын нэрийг гол сөрөг хүчин болох Японы Ардчилсан Намтай 2003 оны арваннэгдүгээр сард нэгдсэн Либерал Намын (яп. 自由党) нэртэй андуурах гээд байдаг.
Либерал Ардчилсан Нам 自由民主党 Jiyū-Minshutō | |
---|---|
Ерөнхийлөгч | Фүмио Кишида |
Дэд Ерөнхийлөгч | Асоо Тароо |
Ерөнхий Нарийн Бичгийн Дарга | Мотэги Тошимицу |
Зөвлөхүүдийн дарга | Сэкигучи Масаказу |
Байгуулагдсан | 11 сарын 15, 1955 |
Нэгдэж үүсгэсэн намууд | Японы Ардчилсан Нам Либерал Нам |
Төв байр | 1-11–23, Нагатачо, Чиёда, Токио 100-8910, Япон |
Сонин | Jiyū Minshu |
Аналитик төв | Улс Төрийн Судалгааны Зөвлөл |
Гишүүдийн тоо (2021) | ▲ 1,136,445 |
Үзэл баримтлал |
|
Улс төрийн жигүүр | Баруун жигүүр |
Өнгө(нүүд) |
|
Уриа | "日本を守る責任" "Nihon wo mamoru sekinin" ("Японыг хамгаалах үүрэг") |
Дуулал | "われら" "Ware-ra" ("Бид") |
Зөвлөхүүд | 119 / 245 |
Төлөөлөгчид | 260 / 465 |
Аймгийн хурлын гишүүд | 1,261 / 2,598 |
Хот, тусгай тойрог, суурин ба тосгоны хурлын гишүүд | 2,177 / 29,425 |
Сонгуулийн тэмдэг | |
Цахим холбоос | |
www.jimin.jp/english/ |
ЛАН-ын анхны дарга Хатояма Ичирог 1956 оны 4 дүгэр сард намын ээлжит бус хурлаар сонгосон байна.
2005 оны сонгуульд давамгай ялалт байгуулснаар тус нам Японы Төлөөлөгчдийн танхимд дийлэнх олонхи болж, Шинэ Комэйто Намтай эвслийн засгийн газар байгуулжээ. 2006 оны есдүгээр сарын 20-нд Абэ Шинзоо тухайн үеийн Ерөнхий сайд Коизүми Жүн-Ичироогоос намын ерөнхийлөгчийн албыг хүлээн авсан. Тус нам 2007 онд томоохон ялагдал хүлээж, түүхэндээ анх удаа парламентын дээд танхим буюу Зөвлөхүүдийн танхимд олонхийн суудлаа алджээ. 2007 оны есдүгээр сарын 12-нд Абэ Ерөнхий сайдын албан тушаалаас огцорч, Фүкүда Ясүод албаа хүлээлгэн өгсөн. Фүкүда харин 2008 оны есдүгээр сарын 1-нд огцров.
2008 оны есдүгээр сарын 22-ноос тус намын даргаар Асоо Тароо сонгогдон ажиллаж байсан боловч 2009 онд явагдсан парламентын сонгуульд томоохон ялагдал хүлээж, бараг анх удаа сөрөг хүчин болсон тус намын даргын албыг Танигаки Садаказү хүлээн авчээ.
2019 оны 7 дугаар сарын парламентын сонгуулиар ЛАН Японы дээд танхимд олонх болсон боловч гишүүдийн тоо 123-аас буурч 113 хүрсэн байна.
ЛАН-ын бодлого нь уламжлал ёсоор экспортод суурилсан эдийн засгийн хурдацтай өсөлт, АНУ-тай нягт хамтран ажиллахыг гол зорилгоо болгодог. Тус намын сүүлийн жилүүдэд хийсэн шинэчлэл нь хүнд суртлын тогтолцоог хялбарчлах, улсын үйлдвэрүүдийг хувьчлах, хүн амын насжилттай холбоотой татварын шинэчлэл зэрэг арга хэмжээ авах зорилготой юм.
2021 оны 9 дүгээр сарын 29-нд Японы Либерал Ардчилсан намын даргаар Кишида Фумио сонгогдоод байна.
This article uses material from the Wikipedia Монгол article Либерал Ардчилсан Нам (Япон), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.