Шри-Жаяварденепура-Котте
Шри-Жаяварденепура-Котте (товчоор Котте) — Шри Ланка улсын нийслэл, 115 мянган хүнтэй хот.
Түүх
.png)
Хоёр голын бэлчир газар байрласан Даругама суурин дайсан нэвтрэхэд бэрх байгалийн саад бүхий газар байв. 13-р зуунд Ниссанка Алагакконара ноён цайз барьж Котте (хот хэрэм гэсэн утгатай) хэмээжээ. Котте усаар хүрээлэгдсэн гурвалжин хэлбэртэй, 2.5 ам дөрвөлжин километр талбайтай, 2.5 м өндөр хэрэмтэй байв. 1391 онд Жаффна улсын Сапумал гүн хотыг эзэлж Шри Жаявардханапура (дэвжин ялахын заяат хот) гэж нэрийдэв. 16-р зууны төгсгөл хүртэл улс оршин байсан ба Коттегийн вант улсын нийслэл нь энэ газар байжээ.
Португалын далайн баг 1505 онд арал дээр бууж Коттегийн вантай танилцсан ба Коломбо боомтыг барьж суурьшаад Котте хот болон улсыг 1565 онд эзэлжээ. 19-р зуунд Их Британийн мэдэлд байхад Котте аж үйлдвэржиж эхэлсэн. Келани голын дээгүүр Виктори гүүр баригдсан гэх мэт олон зүйл баригдав.
1982 онд Шри-Ланк улсын хурлаас Коттег улсын нийслэл болгожээ. Улсын хурлын ордон Ожа Дияванна нуурын дундах арал дээр баригдсан.
Хүн ам зүй
Шри-Жаяварденепура-Котте хот 115 мянган хүнтэй. Хүн амын 70% синхал үндэстэн, 20% тамил үндэстэн. Синхал, тамил хоёр хэл албан ёсоор хэрэглэгдэнэ. Хүн амын 75% буддын шашныг шүтдэг бол 15% хиндү, 10% христ, лалын шүтлэгтэй.
Цахим холбоос
Commons: Шри-Жаяварденепура-Котте – Викимедиа зураг, бичлэг, дууны сан Commons: University of Sri Jayewardenepura – Викимедиа зураг, бичлэг, дууны санThis article uses material from the Wikipedia Монгол article Шри-Жаяварденепура-Котте, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.