Белгород
Белгород (орос.
Бі́лгород, орч. Цагаан Хот) — Оросын Холбооны Улсын Белгород мужийн төв, 2023 оны байдлаар 333 931 мянган хүн амтай хот. Оросын нийслэл Москва хотоос 700 км, Орос-Украины хилээс 35 км зайнд орших хот.
Белгород Белгород | |
|---|---|
 | |
 Далбаа  Сүлд | |
  Белгород Байршил: Белгород  Белгород Белгород (Белгород муж) | |
| Улс |  Орос |
| Холбооны субъект | Белгород муж |
| Байгуулагдсан | 1596 |
| Засаг захиргаа | |
| • Биет | Депутатуудын зөвлөл |
| • Хотын дарга | Валентин Демидов (НО) |
| Өндөр | 130 м (430 фут) |
| Хүн ам (2010 Тооллого) | |
| • Нийт | 356,402 |
| • Тооцоо (2018) | 391,554 (+9.9%) |
| • Байр | 49-т (2010 онд) |
| • Харьяалагдах нэгж | Белгород мужийн чанартай хот |
| • Нийслэл нь | Белгород муж, Белгород мужийн чанартай хот |
| • Хотын тойрог | Белгород хотын тойрог |
| • Нийслэл нь | Белгород хотын тойрог |
| Цагийн бүс | UTC+3 () |
| Шуудангийн код | 308000–308002, 308004–308007, 308009–308020, 308023–308027, 308029, 308031–308034, 308036, 308099, 308700, 308880, 308890, 308899, 308940, 308960, 308961, 308967, 308971–308974, 308991–308994 |
| Залгах код(ууд) | +7 472 |
| OKTMO ID | 14701000001 |
| Баярын өдөр | 5 August |
| Вэб сайт | www |
Түүх
Белгород суурин Х зуунд бий болсон гэж судлаачид үздэг бөгөөд хамгийн анх 1237 онд тус сууринг эх сурвалжид дурдсан байдаг. Археологийн олдворуудаас харвал бүр 10-р зуунд тухайн үед Киевийн Русьт харьяалагдаж байсан уг газарт суурин байсан нь тодорхой болсон. Гэхдээ үүсгэн байгуулагдсан оныг 1596 оноор тооцдог ба тэр жил хотыг бэхлэлтээр өргөжүүлжээ. Тус хот нь Царьт Оросын өмнөд хэсгийг Крымын татаруудаас хамгаалах хамгаалалтын шугам байв. Белгородын шугам нь Ижил мөрнөөс эхлэн Дон мөрний дэргэдэх Воронеж хотоор дайран Өмнөд Украин хүрдэг байв. 1785 онд Крымын ханлигийг ялснаар Белгород бэхлэлтийн статус байхаа больсон байна.
1869 онд Курск - Харьковын төмөр замтай болсоноор тус хотын эдийн засгийн хөгжил харьцангуй хурдсав. 1917 оноос эхлэн Белгород нь шинээр тусгаар тогтносон Бүгд Найрамдах Украин Ард Улсын нутаг дэвсгэрт хамаарч байгаад 1918 оноос Украины Улс гэх Павло Скоропадськийн удирдлага дор германы тоглоомын улс (де-факто) болов. 1918 оны 12-р сарын 20-нд Улаан армид эзлэгдсэнээр Зөвлөлт Социалист Бүгд Найрамдах Холбоот Орос Улсын бүрэлдэхүүнд орсон түүхтэй.
1941 оны 10-р сарын 25-наас 1943 оны 8-р сарын 5-ныг хүртэлх хугацаанд Белгород хот нацист Германы Вермахтад эзлэгдэж байв. Германчуудыг довтлохоос өмнө хотын ихэнх оршин суугчид нь дорно зүгт дүрвэсэн учраас германчууд хотыг эзлэх үед ердөө л 20.000 оршин суугчтай байжээ. 1942 оноос эхлэн германчууд ажиллах чадвартай, ажлын насны иргэдийг бүгдийг герман луу ачиж авч явсан байна. 1942 оны 2-р сарын 5-нд партизанууд хотыг богино хугацаанд буцаан эзэлсэн байдаг. 1943 оны 8-р сард Улаан армийн Белгород-Харьковын давшилтын ажиллагааны үеэр энэ хот ахин ширүүн тулалдааны талбар болсон байна. Хотын 90 гаран хувь нь сүйрсэн ба германчуудаас чөлөөлсний дараа хотод 700 хүрэхгүй хүн амьд үлдсэн байна.
1954 онд Белгород хот нь хөрш зэргэлдээх Курск, Воронеж мужуудаас газар таслан шинээр бий болгосон Белгород мужийн төв болсон юм.
Оросын Украин руу довтлох үе
2022 оны 4-р сарын 11-нд Оросууд Украин руу довтолж байх үед Украины Ми-24 довтолгооны хоёр нисдэг тэрэг тус хотын нефтийн агуулах руу довтлож нефтийн агуулахад гал гарсан.
2022 оны 7-р сарын 3-нд Украины талаас Белгород руу цохилт өгсөн.
2023 оны 12-р сарын 30-нд тус хот Украины Зэвсэгт хүчний хүчтэй пуужингийн цохилтод өртсөн бөгөөд энэ нь дайн эхэлснээс хойшхи хамгийн том цохилтод тооцогдож байна.
2024 оны 2-р сарын 15-нд тус хотод дахин пуужин харвасны улмаас 6 оросын иргэн амь үрэгдэж, 20 хүн шархаджээ.
2024 оны 3-р сарын 15-наас хойш Белгород хот болон Белгород мужийг өдөр бүр олон тооны пуужин харвагчаас буудаж байна. Эрх баригчдын мэдээлснээр 16 хүн амиа алдсан байна. Хотын Засаг дарга 9000 хүүхдийг нүүлгэн шилжүүлэх ажил эхэлснийг зарлав.
Хүн амын өсөлт
| Он | Хүн ам |
|---|---|
| 1897 | 26.564 |
| 1939 | 34.359 |
| 1959 | 72.278 |
| 1970 | 151.336 |
| 1979 | 239.814 |
| 1989 | 300.408 |
| 2002 | 337.030 |
| 2010 | 356.402 |
| 2013 | 365.135 |
Хүн амын тооллогын мэдээ
Хотын гишүүнчлэл
| Хотын тойрог | Орос нэр | Хүн ам 2006-01-01 |
|---|---|---|
| Өрнөд | Орос: Западный | 200.024 |
| Дорнод | Орос: Восточный | 144.218 |
Цаг агаар ба байрлал
Энэ хот нь Донец голын эхээр, Москвагаас өмнө зүгт 570 километрийн зайд оршино. Шохойн чулуун хадан хясаа ихтэйгээс гадна хөрсөн дор нь ихээр байх учраас хотын нэрийг ийнхүү Цагаан хот хэмээх болжээ.
| Белгород | ||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Уур амьсгалын диаграмм | ||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||
| Сарын дундаж температур болон хур тунадасны хэмжээ: Белгород
Эх сурвалж: Roshydromet | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Зураг
Цахим холбоос
Commons: Белгород – Викимедиа зураг, бичлэг, дууны сан | Wiktionary: Белгород – Энэ үгийг тайлбар толиос харна уу |
Эшлэл
This article uses material from the Wikipedia Монгол article Белгород, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.