Алис Мэри Кочмэн (Англи: Alice Marie Coachman, 1923 оны 11 сарын 9-нд Жоржиа муж улсын Олбанид төрсөн) нь Америкийн Нэгдсэн Улсын хөнгөн атлетикч юм.
Өндрийн харайлтын төрлөөр өрсөлддөг байсан тэрбээр Олимпын алтан медаль хүртсэн, анхны хар арьст эмэгтэй тамирчин болно.
| |||||||||||||||
|
Кочмэн АНУ-ын Сонирхогчдын Хөнгөн Атлетикийн Холбооны АШТ-д 1939 - 1948 онуудад тасархай түрүүлж байсан боловч Дэлхийн хоёрдугаар дайны улмаас 1940, 1944 оны зуны олимпийн наадам цуцлагдсан тул олимпын наадамд оролцох боломж 1948 онд л тохиожээ.
1948 оны Лондоны олимпын өндрийн харайлтын шигшээд Кочмэн 1.68 м өндрийг эхний оролдлогоороо давсан. Түүний хамгийн ойрын өрсөлдөгч, Их Британийн Дороти Тайлер Кочмэнтэй ижил өндрийг хоёр дахь оролдлогоороо л давж чадсан байна. Ийнхүү олимпын аварга болсон Кочмэн нь тус олимпоос АНУ-ын багийн эмэгтэй тамирчдын авсан цорын ганц алтан медалийн эзэн болжээ.
This article uses material from the Wikipedia Монгол article Алис Кочмэн, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.