സെപ്റ്റംബർ 2010

സെപ്റ്റംബർ 2010 ആ വർഷത്തിലെ ഒൻപതാം മാസമായിരുന്നു. ഒരു ബുധനാഴ്ച ആരംഭിച്ച മാസം 30 ദിവസങ്ങൾക്കുശേഷം ഒരു വ്യാഴാഴ്ച അവസാനിച്ചു.

2010 സെപ്റ്റംബർ മാസം നടന്ന പ്രധാന സംഭവങ്ങൾ:

• സെപ്റ്റംബർ 4 - ടിബറ്റൻ ആത്മീയാചാര്യൻ ദലൈലാമ കേരളത്തിലെത്തി.
• സെപ്റ്റംബർ 9 - വേണു നാഗവള്ളി അന്തരിച്ചു.
• സെപ്റ്റംബർ 11 – അമേരിക്കൻ ചലച്ചിത്രതാരം കെവിൻ മക്‌കാർത്തി അന്തരിച്ചു.
• സെപ്റ്റംബർ 12- ശാന്തിഗിരി ആശ്രമത്തിലെ പർണശാല രാഷ്ട്രപതി പ്രതിഭാ പാട്ടീൽ രാഷ്ട്രത്തിനു സമർപ്പിച്ചു.
• സെപ്റ്റംബർ 15 - 2009ലെ ദേശീയ ചലച്ചിത്ര പുരസ്കാരങ്ങൾ കേന്ദ്ര വാർത്താ വിതരണ പ്രക്ഷേപണ വകുപ്പ് മന്ത്രി അംബിക സോണി പ്രഖ്യാപിച്ചു.
• സെപ്റ്റംബർ 20 - പുനലൂർ-ചെങ്കോട്ട പാതയിൽ അവസാനത്തെ മീറ്റർ ഗേജ് സർവീസ്.
• സെപ്റ്റംബർ 30 - അയോധ്യയിലെ തർക്കഭൂമി ഇരു വിഭാഗങ്ങളും തുല്യമായി വീതിക്കണമെന്ന് അലഹബാദ് ഹൈക്കോടതി വിധിച്ചു.