Собирање На Дропки

 

Дропките со еднакви именители се собираат со собирање на нивните броители додека именителот останува ист. Збирот на две дропки е дропка чиј броител е еднаков на збирот на броителите на дадените дропки, а чиј именител е еднаков на нивните именители.

Пример 1:

 

${\displaystyle {\frac {3}{5}}+{\frac {1}{5}}={\frac {4}{5}}}$ 

Дропките со различни именители се собираат така што се сведуваат на дропки со еднакви именители со нивно проширување или скратување.

Пример 2:

${\displaystyle {\frac {1}{2}}+{\frac {3}{4}}={\frac {1\cdot 2}{2\cdot 2}}+{\frac {3\cdot 1}{4\cdot 1}}={\frac {2}{4}}+{\frac {3}{4}}={\frac {5}{4}}=1{\frac {1}{4}}}$ 

Децималните броеви се собираат како повеќецифрени природни броеви со собирање на цифрите кои се на иста позиција во децималното запишување на бројот. Децималните броеви се собираат со запишување на еден број под другиот, но така што децималната точка на едниот број е под децималната точка на другиот број, а потоа се спроведува постапката на собирање на броевите како повеќецифрени природни броеви.