Грбот на Тонга е официјалниот грб на оваа океанска држава.
Грбот е поставен за официјален на Тонга во 1875 година.
Грб на Тонга | |
---|---|
Подробно | |
Усвоен | 1875 |
Централен елемент на грбот е штитот со златни рабови. Штитот е поделен на четири полиња во златна, црвена, сина и златна боја. Во горниот златен лев дел има три ѕвезди кои ги претставуваат трите главни острови Тонгатапу, Вавау и Хапај. До него е црвеното поле на кое има приказ на кралска круна која го симболизира кралот и монархијата. Долниот лев син дел има приказ на бел гулаб во лет со маслиново гранче во клинот и тие симболизираат мир, единство и Христијанство. Последниот златен дел има приказ на три вкрстени меча кои ги симболизираат трите кралски семејства на Тонга. Во центарот има бела ѕвезда со шест краци и во неа црвениот крст од знамето на Тонга. Под штитот има бела лента со националното мото на тонгански јазик Ko e ʻOtua mo Tonga ko hoku Tofiʻa или на македонски Господ и Тонга се мое наследство. Над грбот има венец со кралската круна, а позади штитот две знамиња на Тонга. Денес не постои јасно дефиниран изглед на грбот и постојат разлики во дизајн во зависност од извор до извор.
This article uses material from the Wikipedia Македонски article Грб на Тонга, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.