Граѓанското учество е право на граѓаните директно да учествуваат во процесот на донесување на одлуки за прашања кои ги засегаат.
Во демократијата, тоа најчесто се остварува преку правота на глас, можноста за поднесување народна иницијатива или петиција до парламентот за предлог-закон или процедура за одреден закон.
Граѓанското учество е еден од клучните показатели за демократизацијата на една земја. Основната идеја е граѓаните да го подобрат својот живот нудејќи ги своите идеи на креаторите на политиките, односно учествувајќи во процесите на носење одлуки.
Во политичката теорија, зголемениот степен на граѓанско учество води до развој на партиципативна демократија. Во бизнисот, овој термин се однесува на „правото на учество во носење на деловни одлуки на работното место“ претставени преку синдикатот. Најсовремена форма на граѓанско учество е таканаречената „е-демократија“, концепт на користење на комуникациските технологии како што е Интернетот за промовирање на учеството на граѓаните во демократските процеси.
This article uses material from the Wikipedia Македонски article Граѓанско учество, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.