Јужноцентрален Африкански Црн Носорог

Јужноцентрален африкански црн носорог
Заштитен статус
Критично загрозен  (МСЗП 3.1)
Научна класификација
Царство:	Животни
Колено:	Хордати
Класа:	Цицачи
Ред:	Perissodactyla
Семејство:	Rhinocerotidae
Род:	Diceros
Вид:	D. bicornis
Подвид:	D. b. minor
Триномен назив
Diceros bicornis minor Drummond, 1876

Иако е најброен од сите подвидови на овој носорог, сепак се наоѓа на списокот на критично загрозени видови според „Меѓународниот сојуза за заштита на природата“ (МСЗП). Како и останатите повидови и овој носорог има испакната горна усна и живее во саваните.

Во минатото бил распространет од западна и јужна Танзанија, преку Замбија, Зимбабве и Мозамбик, до северните и источните делови на Јужноафриканска република. Најверојатно бил присутен и во јужните делови на Конго, северна Ангола и источна Боцвана. Денес, најбројната популација се наоѓа во Јужна Африка, а помала популација има и во Зимбабве. Многу мали популации се среќаваат и во Свазиленд и јужна Танзанија. Јужноцентралниот африкански црн носорог денес се смета за изумрен во Боцвана, Замбија, Ангола и најверојатно во Мозамбик.

Вкупната популација на јужноцентралниот црн носорог во 1980-тите била 9090 единки . Прекумерниот лов поради неговиот рог, ја намалил оваа бројка на 1300 во 1995 година. Во 2001 година, популацијата е проценета на 1651 единка. Во последните 50 години, бројот на овие носорозои е намален за 90%. Најголема закана претставува нелегалниот лов кој за среќа се намалува во последните години.

• http://www.rhinos-irf.org/ Архивирано на 11 октомври 2007 г. (International Rhino Fund dedicated to the conservation of rhinos)
• http://www.iucnredlist.org/search/details.php/39321/summ^{[мртва врска]}
• http://www.iucnredlist.org/search/details.php/39321/doc^{[мртва врска]}
• http://www.iucnredlist.org/search/details.php/39321/all Архивирано на 7 јули 2007 г.
• http://www.rhinos-irf.org/rhinoinformation/blackrhino/subspecies/southc.htm Архивирано на 24 септември 2002 г.