Убого: село во Општина Градско

Денес нема жители.

Убого
Глетка на Убого
Убого Местоположба на Убого во Македонија Убого на карта
Координати 41°38′25″N 21°56′51″E / 41.64028° СГШ; 21.94750° ИГД / 41.64028; 21.94750
Регион	Вардарски
Општина	Градско
Население	0 жит. (поп. 2021)
Пошт. бр.	1420
Повик. бр.	043
Шифра на КО	29077
Надм. вис.	160 м
Убого на општинската карта Атарот на Убого во рамките на општината
Убого на Ризницата

Селото се наоѓа југоисточно од Велес, на околу 8 км северно од општинското седиште Градско. Сместено е од левата страна на реката Вардар, на надморска височина од 160 м.

Подрачјето на Убого е населено уште од неолитот, за што сведочи наоѓалиштето Ногаевски Пат во непосредна близина на селото.

Во XIX век Убого било македонско село во Штипската каза на Отоманското Царство. Според статистиката на Васил К’нчов („Македонија. Етнографија и статистика“) во 1900 г. Убогово имало 130 жители, сите Македонци.

Целото население на селото потпаднало под врховенството на Бугарската егзархија. Во статистиката на егзархискиот секретар Димитар Мишев („La Macédoine et sa Population Chrétienne“) во 1905 г. во Убогоно (Oubogono) живееле 80 Македонци, сите под егзархијата.

Според туркологот Димитар Гаџанов во 1916 г. во Убово имало и 3 Турци.

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Власи.

Населението на Убого значајно нараснало во повоениот период, со речиси исклучив прилив од македонско население. Подоцна се доселиле и поголем број Албанци, како и доста лица чија народност во пописот не се определена (т.е. сместена во „останати“). Почнало масовно да се раселува некаде во 1960-тите и е сосема напуштено во 1970-тите. Според пописот од 2002 година, Убого немало ниеден жител. Истото било потврдено и на пописот од 2021 година.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Цркви

• Црква „Св. Троица“

Археолошки наоѓалишта

• Долно Селиште — населба од римско време
• Ногаевски Пат — населба од неолитот
• Чукар — тумул од железно време