Пролет е населба во Скопје која се наоѓа во Општина Центар, поточно помеѓу Новата железничка станица, Феријален дом, Тутунски комбинат и Булевар Кузман Јосифовски Питу.
На север граничи со Маџир Маало, на југ со Кисела вода, на исток со Мичурин, а на запад со Ново Маало. Таа е најмалата скопска населба која потекнува уште пред скопскиот земјотрес, изградена во 1947 година како прва станбена населба по Втората светска војна. Има едно основно училиште (ОУ „11 Октомври“), средно училиште (СУ „Раде Јовчевски Корчагин“), балон за мал фудбал „11 Октомври“, познатите ресторани „Кај Злате“, полициската станица „Пролет“, центарот за јавно здравје, поликлиника МВР.
Вечерта пред Бадник, во населбата Пролет традиционално секоја година се пали бадников оган. Во 2001 година е почнато снимањето на телевизиската серија "Наше маало" во населба Пролет.
Ракометниот клуб „Пролет“ моментално настапува во Вип Супер Машката ракометна лига. Своите натпревари ги игра во салата „Македонско сонце“ изградена во 2012 година во дворот на ОУ „11 Октомври“. Пред тоа, клубот своите натпревари како домаќин ги играл во салите „Расадник“ во Кисела Вода и „Автокоманда“ во истоимената населба. Порано, Пролет настапувал на отвореното игралиште кое денес не постои, а се наоѓало до Железничката станица. Спонзор на тимот е Тинекс.
Познато е соперништвото помеѓу РК Пролет и РК Југ од соседната населба Мичурин.
This article uses material from the Wikipedia Македонски article Пролет (скопска населба), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.