Кристина Агилера

Агилера за првпат се појавила на националната телевизија во 1990 како натпреварувачка на програмата Потрага по Ѕвезда, а потоа настапувала на телевизиските серии на каналот на Дизни, Мики Маус Клубот од 1993–1994. Таа потпишала договор со RCA Records откако ја снимила песната „Reflection“, која подоцна станала тема за анимираниот филм Мулан (1998).

Кристина Агилера
Кристина Агилера во 2018
Животописни податоци
Родено име	Кристина Марија Агилера
Познат(а) и како	X-tina, Baby Jane
Роден(а)	18 декември 1980(1980-12-18) (43 г.) Стејтон Ајланд, Њујорк Сити, Њујорк, САД
Потекло	Питсбург, Пенсилванија, САД
Жанрови	поп, денс-поп, Латин поп, R&B
Занимања	Пејачка, Тектописец, продуцент, актерка, танчерка
Период на активност	1993–сега
Издавачи	RCA
Мреж. место	christinaaguilera.com

Во 1999, Агилера станала позната по својот прв албум наречен Christina Aguilera, кој имал голем комерцијален успех и од него се одвоиле три број-еден синглови на табелата Билборд Хот 100 — „Genie in a Bottle“, „What a Girl Wants“ и „Come On Over Baby (All I Want Is You)“. Нејзиниот прв латино-поп албум, Mi Reflejo (2000), Божиќниот трет студиски албум, My Kind of Christmas (2000) и други соработки кои следеле веднаш по албумите ѝ донеле светски успех на Агилера, иако таа не била задоволна со својата музика и со својата слика. Откако се одделила од својот менаџмент, Агилера ја презема креативната контрола на нејзиниот четврт студиски албум, Stripped (2002). Вториот сингл на албумот, „Beautiful“, бил комерцијален успех и помогнал во продажбата на албумор и покрај контроверзиите за сликата на Агилера. По Stripped Агилера го издала соул, џез и блуз албумот, Back to Basics (2006), кој добил позитивни оценки од критичарите. Четири години подоцна Агилера го издала својот шести албум, Bionic (2010), кој содржел R&B, електропоп и синтпоп музика и добил различни критики, а исто така имал и мала продажба.

Покрај тоа што е позната по своите гласовни способности, музичките видеа и сликата, музички таа вклучува теми кои се занимаваат со јавна контрола, нејзиното детство и женско зајакнување во нејзината музика. Покрај работата со музиката таа исто така се посветила и на добродарителството за сиромашните, човековите права и светската работа со амбасадорот на Обединетите Нации за Светската Програма за Храна. Агилера за првпат се појавила во филм и тоа на музиклот Бурлеска (2010), кој ѝ донел номинација за Златен глобус во категоријата најдобра оригинална песна. Делата на Агилера постигнале големи успеси вклучувајќи ѕвезда на Холивудскиот тепих на славните четири Греми Награди и една Латинска Греми Награда, а исто така и осумнаесет номинации. Магазинот Роулинг Стоун ја ранкирал на педесет и осмото место на неговиот список за 100 најдобри пејачи на сите времиња, како најмладата артистка со помалку од триесет години. Агилера била ранкирана на 20-то место на артисти на декадата меѓу 2000 и 2009 од Билборд а исто така таа е и втората најпродавана пејачка од 2000-те веднаш по Мадона. Има продадено повеќе од 50 милиони албуми со што станала најдобро продаван музички артист на сите времиња.

1980–1998: Ран живот и почетоци на кариерата

Кристина Агилера е родена во Стејтон Ајленд, New York од мајка Shelly Loraine Fidler која била наставничка по Шпански јазик и татко Fausto Wagner Xavier Aguilera кој работел како наредник во Американската армија. Кристина живеела со нејзините родители сè до седум годишна возраст, кога се разведуваат нејзините родители и таа се сели во Wexford, Pennsylvania каде живее со нејзината мајка и помлада сестра бегајки од нејзиниот татко кој ја малтретирал физички и психички. Тоа малтретирање таа го опишува во песните "I'm OK" во Stripped, и "Oh Mother" in Back to Basics. Како дете локално била позната како малото дете со “големиот глас” пеејќи на локални маалски натпревари и талент шоу-а. На 15 март 1990 таа се појавува во Star Search пеејќи Etta James' "A Sunday Kind of Love". Подоцна по елиминацијата од Star Search се брати дома и се појави на KDKA-TV пеејќи ја истата песна и многу луѓе се секаваат на 10 годишното девојче што звучи како 20 годишно. На 14 годишна возраст таа ја сними свијата прва песна "All I Wanna Do" дует со Јапонската пејачка Keizo Nakanishi која беше голем хит во USA. Нејзината кариера се дели на повеќе периоди.

Музичкиот почеток (1997-2001)

Во 1998 таа беше избрана за пеење на песната "Reflection" за Дизниевиот филм Мулан. За времето на снамањето на таа песна таа стапи во контакт со дискографската кука RCA Records и со таа песна беше номинирана за наградата “Златен Глобус” за “Најдобра Оригинална Песна”. Под водство на Steve Kurtz таа го издаде деби албумот “Cristina Aguilera” на 24 август 1999 и се најде на Американската и Канадската топ листа и албумот се продаде во осум милиони копии (17 милиони на светско ниво). Албумот исто беше рангиран мегу првите 100 најдобри албуми на сите времиња. Сингловите "Genie in a Bottle", "What a Girl Wants" и "Come on Over Baby (All I Want Is You)" ги достигнаа врвовите на светските топ списоци во 1999 и 2000. Кристина ја доби наградата за “Најдобар деби изведувач” на “Греми Наградите (2000)”.

Периодот 2002-2003

На 29 октомври 2002 по долга пауза Кристина го објави својот втор албум Stripped во повеќе од 330.000 копии. Во овој албум Кристина ги немаше вообичаените придружни стилови како, gospel, soul, balladry, pop rock, hip-hop и jazz. Албумот беше одлично примен од публиката.Со стилот Кристина направи многубројни промени од начинот на облекување, пирсови, тетоважи и многубројни други промени што ја направија Кристина секс симбол. Големите хитови од овој албум како "Fighter", "Can't Hold Us Down", ги достигнаа врвовите на светските топ листи. Таа исто почнува да се занимава со пишување на текстови (синглот на Кели Кларксон "Miss Independent").

Периодот 2004-2005

Подоцна Кристина се решава за менување на стилот во позрел од албумот Stripped. Таа го смени изгледот со бојадисување на својата коса како Блондинка и преземајки го игледот на Мерлин Монро, нејзините обожаватели беа шокирани и мислеа дека таа е една од пеачките како (Dita Von Teese, Gwen Stefani, the Puppini Sisters) којшто сакаа да го вратат гламурот на Холивуд од 1920 година. Во летото 2004 Кристина ги објави своите два нови синглови "Car Wash" и "Tilt Ya Head Back". Таа исто соработуваше и со Џез артистот Herbie Hancock во август 2005-та и беше објавена "A Song for You". Потоа таа прави хуманитарни проекти како “Nelson Mandela Children's Fund at the Coca-Cola Dome”

Периодот 2006-2007

Во март 2006 Кристина потпишува договор со мобилниот оператор Orange за промоција на новиот Sony Ericsson-Walkman телефон. Работеше и на реклами за PEPSI. Таа позираше гола во Мерлин Монро стил за списанието GQ Magazine. Таа го објавува својот трет албум во август 2006 наречен “Back to Basics” заедно со хитот "Ain't No Other Man" кој достигна голем успех и беше во врвот на светските топ листи. На 49-те Греми награди таа повторно ја добива наградата за “Најдобар Женски Поп Изведувач” со песната "Ain't No Other Man". Во јануари 2007 таа беше прогласена за 19-та најбогата жена на светот со богатство од околу 60 милиони долари.

Во иднината 2007-2009

Г. Џони Грант објавува дека во 2008 година Кристина Агилера ќе добие ѕвезда на познатиот Hollywood Walk of Fame. Во јуни 2007 таа објави дека собира инспирација за следен албум за кој вели дека ќе биде “Краток ама Сладок” тотално различен од претходниот “Back to Basics” и при тоа не изјавувајки каков ќе биде стилот на албумот.Таа исто така најавува дека ќе сними песна со некогашниот нејзин соперник Еминем.

Покрај тоа што беше дел од кастингот за филмот “The New Mickey Mouse Club” Кристина се појавува во многу други телевизиски шоу-а и како гостин во најразлични телевизиски серии.Таа исто така се има појавена во познатата серија “Beverly Hills 90210” и како водител на шоуто “Saturday Night Live ” во 2004 година.Таа исто така се појавува во една епизода на мега популарната ТВ Серија “Сексот и Градот” и многу често се има појавувано на ТВ екраните во некоја опасна улога во стилот на Анџелина Џоли.Таа отпеа еден мал дел во цртанот “Shark Tale”, исто така има снимено неколку саунд-траки за филмовите: Mulan, What Women Want, и музиклот Moulin Rouge.

На 1 октомври 2007 година го објавува нејзиниот парфем Procter and Gamble. Декоративниот дизајн на пакувањето и шишенцето на парфемот е инспирирано од Холивудскиот гламур за време на 1930-тите гидини.

За време на нејзината кариера таа има направено многу за хумани цели.Таа има напишано писмо од “PETA” до Јужно Корејската влада барајќи од земјата да престане да убива кучиња за храна. Таа исто така ги поддржува и “Бранителите на Дивиот свет” со своите доброволни приходи. Таа исто така има многу придонесено за нејзиниот роден град Питсбург, и една од многуте донации е за центарот за заштита на жените и за оваа цел има донирано 200.000$. Таа води најразлични кампањи како “Стоп за малтретирањето над жените“ и “Стоп за семејното насилство“. Исто така дава придонес и во кампањата против “СИДА“ со учествувањето во проектот “Артистите на Лос Анџелес против СИДА“ Во ноември 2005 година подароците за нејзината свадба беа дадени во добротворни цели за жртвите од ураганот “Катрина“.

Во 2000 Кристина беше во врска со Carson Daly.Нивната врска беше предмет на многу дискусија по објавувањето на песната на Еминем "The Real Slim Shady". Потоа таа беше во врска со танчер по име “Jorge Santos“ и нивната врска траеше околу 2 години (заврши септември 2001). На почетокот на 2002 година таа почна врска со Jordan Bratman кој беше музички маркетинг агент. Нивната свршувачка беше објавена во февруари 2005 година, и тие направија свадба на 19 ноември 2005 година во “Napa Valley“. Двојката својата годишнина ја прослави во Даблин-Р.Ирска. Наскоро потоа беше објавено дека Кристина е трудна и очекува бебе.

Кристина е Spinto Soprano, знаејќи за нејзините големи вокални способности и мокен глас е прогласена за “глас на нејзинате генерација“и нејзиниот глас опфака четири гласовни октави. Еден од многуте коментари за нејзиниот глас е на Аксел Роуз (од Guns And Rouses) ја опиша Кристина како “еден од најголемите вокалисти на нашето време“.

• 1993 – 1995: Mickey Mouse Club — Самата
• 1999: Beverly Hills 90210 — Самата
• 2000: Saturday Night Live — Musical guest
• 2003: Saturday Night Live — Musical guest
• 2004: Shark Tale — Voice
• 2004: Saturday Night Live — Host
• 2006: Saturday Night Live — Musical guest
• 2008: Shine a Light

• Christina Aguilera (1999)
• Mi Reflejo (2000)
• My Kind of Christmas (2000)
• Stripped (2002)
• Back to Basics (2006)
• Bionic (2010)
• Lotus (2012)
• Liberation (2018)
• Aguilera (2022)

Видеографија

• Список на концертни турнеи на Кристина Агилера
• Список на најдобропродавани музички артисти
• Список на награди и номинации на Кристина Агилера

 

Викицитат има збирка цитати поврзани со:

Кристина Агилера

 

Викицитат има збирка цитати поврзани со:

Кристина Агилера

• ChristinaAguilera.com — Официјална страница на Кристина Агилера
• Twitter - Официјален Твитер профил.
• Кристина Агилера на MySpace
• Кристина Агилера на   Семрежната филмска база на податоци (англиски)

Предлошка:Синглови на Кристина Агилера