Џејмс Њуел Остерберг помладиот (англиски : James Newell Osterberg, Jr ; 21 април 1947), попознат под уметничкото име Иги Поп (Iggy Pop) — американски рок-пејач, текстописец и повремено глумец.
Бил пејач и текстописец на прото-панк групата The Stooges, основана во 1967 година по што многупати се распаѓале и се обединувале. Иако има ограничен комерцијален успех, Иги Поп се смета за еден од најважните основачи на панк рок музиката. Понекогаш го нарекуваат и кум на панкот, а познат е како еден од најдинамичните рок изведувачи на сцената.
Иги Поп | |
---|---|
Iggy Pop performing at Pinkpop (1987) | |
Животописни податоци | |
Родено име | James Newell Osterberg, Jr. |
Роден(а) | 21 април 1947 Мускегон, Мичиген, САД |
Жанрови | панк-рок, прапанк, гаражен рок, глам-панк, шок-рок, глам-рок, хард рок |
Занимања | кантавтор, музичар, глумец |
Инструменти | вокалист, гитарист, клавијатурист, тапанар |
Период на активност | 1962— |
Издавачи | Virgin, RCA, Elektra |
Соработници | The Stooges, The Trolls, The Nymphs, The Iguanas, Slash, David Bowie, Deborah Harry, Blondie, Sum 41 |
Мреж. место | Iggy & The Stooges Official Website |
Во 2010 година, како член на Stooges, бил примен во Куќата на славните на рокенролот. Во 2020 година, Иги Поп добил Греми награда за животно дело.
Голем број рок-музичари го наведуваат Иги Поп како свој идол или инспирација. На пример, на својот прв албум, објавен во 1980 година, хрватската група „Азра“ ја снимила песната со наслов „Iggy Pop“.
Албумот на The Stooge, Raw Power, се покажал како влијателен врз музички групи како: Sex Pistols, the Smiths и Nirvana. Многу пост-панк, електронски и индустриски музичари навеле дека црпеле инспирација од неговиот солистички албум The Idiot, меѓу кои се: Depeche Mode, Nine Inch Nails и Joy Division, а Сиукси Сиукс го опишала како „повторна потврда дека нашите сомнежи беа вистинити: човекот е гениј“.
„Иги Поп“ на Ризницата ? |
This article uses material from the Wikipedia Македонски article Иги Поп, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.