promosi Nan Sasek
Walau Wikipedia dapek digunoan jo disuntiang dek siapo sajo, tapi Wikipedia sabagai sabuah proyek ensiklopedia tatap mamacik prinsip untuak mampatahankan isinyo tapek jo sasuai.
Laman iko tarutamo digunoan sabagai panduan untuak manantuan topik atau isi apo sajo nan dikategorian sabagai informasi atau laman vanitas. Vanitas dapek diartian main surang atau mampromosikan diri panulih atau anggota kaluarga lainnyo dari si panulih. Walau vanitas iko indak laku vandal tapi tatap "indak suai" atau "indak paralu" untuak dimasuakan ka dalam Wiki Minangkabau.
Wiki indak blog do nan sia se dapek manulihan data pribadinyo. (baco Wikipedia indaklah jo Kasalahan umum di Wikipedia ...).
Baa manantuan informasi ko vanitas?
Sabalun Sanak manulih artikel tantang diri Sanak surang atau karabaik Sanak, tanyoan partanyaan iko ka diri Sanak surang "Apo ambo cukuik tanamo?", "Apo biografi ambo paralu untuak ditulih di ensiklopedia?". Pambaco nan lain dapek juo batanyo "Sia inyo? Sia lah paja ko?".
Panguruih Wikipedia dapek maapuih artikel ko sacapeknyo, kalau artikel iko punyo unsur vanitas.
Jiko Sanak tatap basikareh memasuakan data pribadi Sanak. Sanak dapek mamasuakannyo ka dalam halaman pangguno Sanak sasudah Anda mendaftar. Tapi tatap sajo Sanak indak buliah malakuan Wikipedia sabagai situs blog. Anyo data-data sacukuiknyo supayo pangguno lain tahu jo Sanak. Informasi tantang dima Sanak pernah karajo misalnyo, itu indak baguno. Wikipedia indak tampek parusahaan mancari pagawai.
Contoh informasi vanitas
Contoh Paja
- Contoh Paja, 30 tahun adolah pagawai swasta nan bakarajo di PT. ABCDEF di Padang. Hobinyo adolah sepak bola, jo bulu tangkis. Cito-cito wakatu ketek dulu adolah manjadi pilot, tapi kini inyo bacito-cito manjadi koki.
- Uraian
- Komunitas Wikipedia indak malarang Contoh Paja, tapi informasi pribadinyo, kagiatannyo adolah indak pantiang, indak banilai jo indak bamanfaat untuak Wiki.
Kagiatan ekstrakurikuler mamanjek tabiang SMU Nagari 98766
- SMU Negeri 98766 satiok minggunyo mangadoan kagiatan ekstrakurikuler mamanjek tabiang. Alah babarapo tabiang nan pernah dipanjek sarupo, Tabiang Tinggi, Tabiang Randah jo Tabiang Sabana Randah. Kagiatan ekstrakurikuler iko dikatuai dek Uda Apel, jo wakil katuanyo adolah Uni Tomat.
- Uraian
- Indak paralu dijalehan bahasonyo informasi sarupo iko indak baguno untuak Wiki Minangkabau. Organisasi Sanak mungkin pantiang untuak komunitas Sanak, tapi apakah cukik banilai untuak komunitas umum?
Caliak juo
- Templat:Enwiki
- Templat:Enwiki
This article uses material from the Wikipedia Minangkabau article Wiki:Promosi nan sasek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.