Urang Bukit atau Urang Dayak Meratus adolah sakalompok sub suku Dayak.
Urang Bukit atau Dayak Meratus iko biasonyo tingga atau bamukim di sapanjang kawasan pagunuangan Meratus di Kalimantan Selatan. Urang Banjar Kuala manyabuik urang Dayak Meratus sabagai Urang Biaju (Dayak Biaju) karano dianggap samo jo Dayak Ngaju (Biaju), sadangkan urang Banjar Hulu Sungai manyabuik urang Dayak Meratus jo sebutan Urang Bukit (Dayak Bukit/Buguet/Buket).
Urang Dayak Meratus (Urang Bukit) |
---|
L1013237.jpg |
Jumlah populasi |
kurang lebih 50.000 jiwa. |
Kawasan bapopulasi cukuik banyak |
Kalimantan Selatan: 50.000 |
Bahaso |
Meratus, Banjar, Indonesia |
Agamo |
Kaharingan |
Kalompok etnik takaik |
Dayak Ngaju, Banjar |
Disabuik jo istilah bukit, iko alah tadapek dalam Hikayat Banjar tahun (1663) nan marujuak kapado lokasi/panduduak pagunuangan Meratus nan hiduik tapisah jo panduduak nan tinggal di sapanjang hilia sungai. Dalam Hikayat Banjar tatulih: "Kemudian daripada itu raja itu menyuruh Aria Magatsari menundukkan batang Tabalung dan batang Balangan dan batang Petak serta bukitnya............Sudah kemudian daripada itu maka maharaja Negara-Dipa menitahkan Tumanggung Tatah Jiwa menundukkan batang Alai dan batang Hamandit serta bukitnya." Selato manduga, urang Bukit tamasuak golongan Urang Punan. Tatapi Tjilik Riwut mambaginyo ka dalam kalompok-kelompok ketek sarupo Dayak Alai, Dayak Amandit (Loksado), Dayak Tapin (Harakit), Dayak Kayu Tangi, dan sabagainyo, salanjuiknyo inyo manggolongkannyo ka dalam Rumpun Ngaju. Namun baitu panalitian tarakhia dari segi liguistik, bahaso nan digunoan sub urang Dayak iko tagolong ba-bahaso Melayik, jadi sarumpun jo Urang Kedayan, Dayak Kendayan jo Dayak Iban.
Sesuai tampek bamukim atau kadiaman dari urang tasabuik mako balakangan iko urang nan dimukasuik labiah sanang dipanggia jo Urang Dayak Meratus, dari pado namo sabalumnyo Dayak Bukit nan alah talanjua dimaknai sabagai urang gunung. Padohal manuruik Hairus Salim dari kosakata lokal di daerah tasabuik istilah bukit bararti bagian bawah dari sabuah batang kayu nan bamakna pulo sabagai urang atau sakalompok urang atau rumpun kaluarga nan partamo nan marupoan cika baka masyarakaik lainnyo.
Suku Buket, namo nan dipakai dek BPS untuak etnik iko dalam sensus panduduak tahun 2000. Di Kalimantan Selatan. Pado sensus panduduak tahun 2000 urang Buket bajumlah 35.838 urang, Sabagian banyak daripadonyo tadapek di kabupaten Kotabaru nan bajumlah 14.508 urang. Namun baitu data tabaru kiniko alum didapekan lai barapo urang Buket ko nan masih barado di tampeknyo, akan tatapi jumlah data total panduduak di Kabupaten Kotabaru ko di tahun 2019 iolah 342.217 urang.
Urang Bukit dapek disabuik juo jo Ukit, Buket, Bukat atau Bukut. Urang Bukit, urang Dayak Bukit atau urang Meratus iko tadapek di babarapo kecamatan nan barado di pagunuangan Meratus, yaitunyo tadapek di kabupaten Banjar, kabupaten Balangan, Hulu Sungai Tengah, Hulu Sungai Selatan, kabupaten Tapin, Tanah Laut, Tanah Bumbu, sarato jo di Kota Baru.
Babarapo jinih dari urang Bukit atau Dayak Meratus iolah sabagai barikuik iko:
This article uses material from the Wikipedia Minangkabau article Urang Bukit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.