Sonia Sotomayor

Inyo manjabaik subagai Hakim Aguang Amerika Sarikat sajak dicalonkan dek Presiden Barack Obama pado bulan Mei 2009 dan dikonfirmasi dek Senat pado bulan Agustus 2009. Sotomayor marupoan hakim aguang nan bakaturunan Hispanik partamo di Amerika Sarikat. Sabalun manjadi hakim aguang, inyo manjabaik subagai hakim di Pangadilan Bandiang untuak Wilayah ka-2 dan Pangadilan Negeri untuak Wilayah Salatan New York, kaduonyo bakaduduakan di New York City.

Sonia Sotomayor

Namo dalam bahaso usali	(en) Sonia Sotomayor
Biografi
Lahia	25 Juni 1954 (69 tahun (id) ) The Bronx
Hakim Aguang Amerika Sarikat  8 Agustus 2009 – ← David Souter   Hakim Pangadilan Tinggi Federal Amerika Sarikat untuak Wilayah II  7 Oktober 1998 – 6 Agustus 2009 ← J. Daniel Mahoney – Raymond Lohier (en)  →   Hakim Pengadilan Negeri Federal Amerika Serikat untuk Distrik Selatan New York (id)   12 Agustus 1992 – 7 Oktober 1998 ← John M. Walker, Jr. – Victor Marrero (en)  →
Data pribadi
Agamo	Katolik
Almamater	Fakultas Hukum Universitas Yale (1976–) Universitas Princeton SMA Cardinal Spellman
Kagiatan
Karajo	Hakim, advokat, dosen paguruan tinggi, politikus jo jaksa (id)
Pagawai	Universitas New York Universitas Columbia New York County District Attorney (en)
Panghargaan (2013)  honorary doctor of the Yale University (en) (2010)  honorary doctor of the Howard University (en) (2006)  honorary doctor of the Hofstra University (en) (2001)  honorary doctorate from Princeton University (en)  Schneider Family Book Award (en)

Sotomayor lahia di The Bronx, New York City. Ayahnyo jo ibunyo barasa dari Puerto Rico dan batamu di New York salapeh Parang Dunia Kaduo. Sotomayor digadangan subagai surang Katolik di kawasan South Bronx dan East Bronx. Inyo basikolah mulo-mulo di Blessed Sacrament School di Soundview, sabuah sakolah Katolik, dan lulus nomor satu di angkatannyo pado tahun 1972.

Sotomayor kudian masuak ka Universitas Princeton salapeh mandapek beasiswa panuah dek pancapaian akademisnyo jo dek program afirmasi dari kampus.Di Princeton, Sotomayor aktif subagai surang aktivis kampus dan manjadi ketua organisasi Acción Puertorriqueña, sabuah organisasi mahasiswa asal Puerto Rico.Inyo manulis skripsi tantang Luis Muñoz Marín, gubernur Puerto Rico partamo nan tapiliah lewat pamiliahan langsuang,, dan tapiliah ka organisasi Phi Beta Kappa. Inyo lulus jo gala A.B. dalam ilmu sajarah jo status summa cum laude.

Sotomayor manikah jo Kevin Edward Noonan pado 14 Agustus 1976 di St. Patrick's Cathedral, New York. Pado tahun nan samo, inyo masuak ka Fakultas Hukum Universitas Yale ditangguang dek beasiswa panuah. DI Yale, Sotomayor manjadi editor Yale Law Journal jo Yale Studies in World Public Order. Inyo sempat lo magang di firma hukum gadang Paul, Weiss, Rifkind, Wharton & Garrison di New York. Sotomayor lulus dari Yale pado tahun 1979 dan diizinkan bapraktek hukum di nagara bagian New York satahun kudian.

Sotomayor mamulai karir hukumnya subagai asisten jaksa wilayah di kantua Jaksa Wilayah New York County Robert Morgenthau ateh rekomendasi pambimbiangnyo di Yale José A. Cabranes.Inyo manangani kasus-kasus pidana nan bamacam mulai dari pencurian inggo parampokan basinjato jo pambunuahan. Sotomayor maunduaan diri dari kantua jaksa pado tahun 1983 dan bapraktik surang inggo bagabuang jo firma hukum litigasi Pavia & Harcourt di Manhattan pado tahun 1984, manangani kasus-kasus litigasi hak kakayaan intelektual, hukum internasional, jo arbitrasi. Inyo mulai terlibat di kaidupan publik di New York. Pado tahun 1987, Gubernur Mario Cuomo maangkek Sotomayor ka dewan pangarah State of New York Mortgage Agency, dinas pamarintah nagara bagian nan maurus pakaro sewa rumah. Pado tahun 1988, inyo diangkek dek Wali Kota Ed Koch manjadi anggota New York City Campaign Finance Board, nan mangawasi dan maaudit kauangan kampanye politik di New York City.

Pado 27 November 1991, Presiden George H.W. Bush maangkek Sotomayor manjadi hakim di Pangadilan Negeri Amerika Sarikat untuak Wilayah Salatan New York, manggantian John M. Walker Jr. Inyo dikonfirmasi dek Senat pado 11 Agustus 1992 dan mulai bertugas pado bisuaknyo. Pado wukatu pangangkatannyo, Sotomayor adolah hakim nan paliang mudo di Wilayah Salatan New York, dan hakim federal katurunan Hispanik partamo di New York. Subagai hakim pangadilan negeri, Sotomayor mamareso pakaro-pakaro tingkek partamo. Babarapo kasus nan tanamo contohnya dalam Dow Jones v. Department of Justice (1995; Sotomayor mamutuih baso Wall Street Journal buliah menerbitkan salinan catatan nan ditinggaan dek bekas panasihat hukum White House Vince Foster) jo New York Times Co. v. Tasini (1997; Sotomayor mamutuih baso New York Times Company berhak ateh lisensi karya panulih lapeh).

Pado 25 Juni 1997, Presiden Bill Clinton mancalonan Sotomayor untuak manjadi hakim pado Pangadilan Bandiang Amerika Sarikat untuak Wilayah ka-2, bakaduduakan di New York City. American Bar Association, asosiasi pangacara sa-Amerika, manilai Sotomayor "layak" sabagai hakim. Salapeh proses nominasi nan panjang di Senat, Sotomayor dikonfirmasi pado 2 Oktober 1998.Subagai hakim tingkek bandiang, Sotomayor manangani labiah dari 3,000 pakaro dan manulih labiah dari 380 pandangan hukum nan ditarimo subagai bagian dari mayoritas.

Salapeh Hakim David Souter maumuman rencana pensiunnyo pado 30 April 2009, Presiden Barack Obama maumuman pancalonan Sotomayor ka Mahkamah Aguang pado 26 Mei 2009. Komisi Kahakiman Senat manyatujui pancalonan Sotomayor pado 28 Juli 2009; sidang pleno Senat kudian mangonfirmasi Sotomayor subagai Hakim Aguang pado 6 Agustus 2009.

Cari tau tantang Sonia Sotomayor di proyek-proyek Wiki lainnyo:
	Gambar dan media dari WikiCommons
	Berita dari Wikinews
	Kutipan dari Wikiquote
	Teks sumber dari Wikisource
	Entri basis data #Q11107 di Wikidata

• Sonia Sotomayor Photo Gallery from The White House website
• Sotomayor Panampilan di C-SPAN
• "Associate Justice of the U.S. Supreme Court – Sonia Sotomayor – Questionnaire". Diarsipkan dari versi asli tanggal June 11, 2009. Diakses tanggal 5 Mai 2020.  Parameter |url-status= yang tidak diketahui akan diabaikan (bantuan); Periksa nilai tanggal di: |access-date= (bantuan) materials given to Senate Judiciary Committee
• "SCOTUSBlog: Judge Sotomayor's Appellate Opinions in Civil Cases". May 15, 2009. Diarsipkan dari versi asli tanggal June 6, 2009. Diakses tanggal 5 Mai 2020.  Parameter |url-status= yang tidak diketahui akan diabaikan (bantuan); Periksa nilai tanggal di: |access-date= (bantuan)
• Supreme Court Associate Justice Nomination Hearings on Sonia Maria Sotomayor in July 2009 United States Government Publishing Office
• Sonya Sotomayor Digital Collection at the Bill Clinton Library