Sahabaik Nabi

Para ulama indak sapakaik bara jumalah Sahabaik Nabi saluruahnyo; sungguahpun ado babarapo ulama, antaro lain Ibnu Hajar al-'Asqalani, nan mampakiroannyo mancapai labiah dari 100.000 urang.

Para Sahabaik Nabi baparan sabana gadang dalam mambantu Rasulullah managakan jo manyebaan agamo Islam. Allah SWT bahkan manyabuik mareka, kusuihnyo kaum-kaum Muhajirin, Anshar, jo Bai'at ar-Ridwan, dalam surah-surah Al-Fath, At-Taubah, Al-Hasyr, dan Al-Hajj. Golongan Sahabaik juo bajaso sabagai nan patamo nan maapa Kuraan, sarato manyampaian babagai Sunnah Nabi kapado kaum Muslimin satalahnyo.

Kaedah utamo dalam ilimu hadis adolah indak maambiak kecek salain dari para Sahabaik Nabi untuak dasar-dasar dalam baagamo. Sia sajo parawi nan bukan golongan Sahabaik aruih manyandaan hadisnyo kapado Sahabaik tatantu, jo wajik manjalehan sacaro basambuang dari sia sajo hadis ko lah disampaian inggo ka tingkek Sahabaik.

Ulama-ulama nan takamudian mambagi para Sahabaik jadi babarapo tingkatan, di antaronyo Hakim an-Nisaburi nan mambaginyo sabagai barikuik:

1. Ampek urang Khulafah ar-Rasyidin (Abu Bakar, Umar, Utsman, Ali) sarato siso dari sapuluah urang nan dijamin masuak sarugo (Zubair, Abu Ubaidah, Abdurrahman bin Auf, Thalhah, Said bin Abi Waqqas, Said bin Zaid)
2. Mareka nan masuak Islam sabalun Umar dan batamu sacaro rasio di Bait al-Arqam
3. Mareka nan hijrah ka Habasyah
4. Kaum Anshar nan maambiak Bai'at al-Aqabah nan patamo
5. Kaum Anshar nan maambiak Bai'at al-Aqabah nan kaduo
6. Kaum Muhajirin nan hijrah jo Nabi sabalun baliau pindah ka Madinah dari Quba
7. Sahabaik nan batumpua dalam Parang Badar
8. Mareka nan hijrah antaro Parang Badar jo Pajanjian Hudaibiyah
9. Sahabaik nan maambiak Bai'at ar-Ridwan di Hudaibiyah
10. Mareka nan masuak Islam sarato hijrah ka Madinah sasudah Pajanjian Hudaibiyah
11. Mareka nan masuak Islam satalah Fathu Makkah
12. Anak-anak nan panah basuo jo Nabi di mano sajo dan kapan sajo satalah Fathu Makkah

• Ahlul Bait
• As-Sabiqun al-Awwalun
• Tabi'in

• Ibnu Sa'ad al-Baghdadi, Muhammad – The book of The Major Classes, only partially translated into English; see Men of Medina and Women of Medina published by Ta-Ha Publishers, and first two volumes as published by Kitab Bhavan, New Delhi.
• Wilferd Madelung – The Succession to Muhammad, Cambridge University Press, 1997.
• Maxime Rodinson – Muhammad, 1961, as translated into English and published in 1980 by Pantheon Books.
• William Montgomery Watt – Muhammad at Medina, Oxford University Press 1956.

• (Indonesia) Sahabat Nabi nan Terkemuka Archived 2007-08-10 di Wayback Machine..
• (Inggirih) Islamic Glossary tamasuak nama-nama sahabat.
• (Inggirih) Sahabat Nabi, definisi, status dan tingkatan Archived 2007-03-11 di Wayback Machine..
• (Inggirih) Companions of the Prophet, biografi 7 urang Sahabat Nabi.
• Reality of Abu Bakr and Umar
• Sahaba: Companions of the Prophet
• Male Companions of the Prophet
• Describes the Sunni perspective Archived 2021-05-04 di Wayback Machine.
• Describes the Shia perspective
• Innovation with regards to the Shari`i Penalty of Cursing Sahaba by "Sipah-e-Sahaba"
• Sermons of the Commander of the Faithful, Imam Ali b. Abi Talib, from Nahj al-Balaghah