Pupuik batang padi adolah jinih alat musik tradisional di Kabupaten Agam, Sumatera Barat.
Alat musik ko dimainan jo caro diambuih. Pupuik batang padi bakambang di daerah nan agraris/pertanian. Daulu, pupuik batang padi ko dimainkan dek para petani nan sadang malapeh taranaknyo, katiko panen atau para petani nan sadang manghuni atau manunggui tanamannyo. Pupuik batang padi ko dimainkan pado siang atau sanjo hari.
Pupuik batang padi tabuek dari sabuah batang padi pilihan. Pupuik batang padi tabuek dari batang padi nan tipih, kandua jo aluih. Batang padi nan digunoan baukuran sadang, indak gadang bana namun indak pulo ketek. Batang padi nan ala tuo dibalah sacaro elok-elok di dakek pangka ruehnyo. Salanjuiknyo, pacahan batang tu mambantuak samacam pita suaro nan manjadi sumber bunyi. Jiko diambuih, pita suaro tu ka mangaluan bunyi malangkiang. Pupuik batang padi dapek disambuang jo daun pandan atau daun karambia untuak mambantuak corong bantuak tarompet. Jo tambahan corong tu, langkiangan suaro pupuik batang padi tadanga hinggo 2 kilometer.
Seni pertunjukan pupuik batang padi ko dimainkan sacaro tunggal atau kadang disandingan jo kesenian atau alat musik tradisional lainnyo. Pupuik batang padi batindak sabagai pangiriang dari kesenian lainnyo. Dalam penampilan kesenian pupuik batang padi ko misalnyo misalnyo alat musik pangiriang dalam arakan talempong, pangiriang musik randai, tari buai-buai, tari piriang atau pertunjukan tunggal dari pupuik batang padi tu surang. Bunyi nan dikaluan dek pupuik batang padi ko indak pernah standar/indak taukua, karano rancak atau indaknyo bunyi nan dikaluan tu tagantuang parasaan pamainnyo. Panggunoan pupuik batang padi adolah sabagai kabudayaan materil, sarana komunikasi sarato sabagai iburan dek masyarakaik Minangkabau.
This article uses material from the Wikipedia Minangkabau article Pupuik batang padi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.