Kota Padangsidempuan
Kota Padangsidimpuan (diijo pulo: Padangsidempuan) adolah sabuah kota di Provinsi Sumatera Utara, Indonesia.
Kota Padang Sidempuan marupokan kota paliang gadang di wilayah Tapanuli. Kota ko tanamo jo sabutan Kota Salak dek di kota ikolah urang-urang parak salak nan dari Kabupaten Tapanuli Selatan (nan di sakaliliang kota ko), utamonyo nan dari kaki Gunuang Lubukraya, manjua hasia panennyo.
| Kota Padangsidimpuan ᯂ᯲ᯥᯖ ᯈᯑᯊ᯲ᯎ᯲ ᯚᯪᯑᯪᯔ᯲ᯇᯮᯀᯊ᯲ | ||
|---|---|---|
 | ||
| ||
| Semboyan: Salumpat Saindege (Salangkah Sairama, Saiyo Sakato) | ||
 Latak Kota Padang Sidempuan di Sumatra Utara | ||
  Kota Padangsidimpuan ᯂ᯲ᯥᯖ ᯈᯑᯊ᯲ᯎ᯲ ᯚᯪᯑᯪᯔ᯲ᯇᯮᯀᯊ᯲ | ||
| Koordinat: 1°22′00″N 99°16′20″E / 1.36667°N 99.27222°E | ||
| Nagara | Indonesia | |
| Provinsi | Sumatera Utara | |
| Agamo | Islam 85.57% Kristen Protestan 13.11% Katolik 0.88% Buddha 0.43% | |
| Pamarintahan | ||
| • Wali Kota | Irsan Efendi Nasution SH | |
| • Wakia | Ir. H. Arwin Siregar M.M. | |
| Laweh | ||
| • Total | 114,65 km2 (44,27 sq mi) | |
| Panduduak (2016) | ||
| • Total | 212.917 | |
| • Kapadatan | 1,900/km2 (4,800/sq mi) | |
| Zona wakatu | WIB (UTC+7) | |
| Kode wilayah | +62 634 | |
Sijarah
Namo kota ko barasa dari Padang na dimpu (padang: hamparan laweh; na: nan; dimpu: tinggi) nan aratinyo "hamparan rumpuik laweh nan talatak di tampek nan tinggi". Pado zaman daulu daerah ko marupokan tampek singgah urang-urang niago dari baragam tampek, padagang ikan jo garam dari Sibolga - Padang Sidempuan - Panyabungan, Padang Bolak (Padang Lawas Utara) - Padang Sidempuan - Sibolga.
Sairiang pakambangan zaman, tampek singgah ko samakin rami nan kudian manjadi kota. Kota ko dibangun partamo kali sabagai benteng pado taun 1821 dek pasukan Pidari nan dipimpin Tuanku Lelo. Benteng ko mambantan gdari Batang Ayumi sampai ka Aek Sibontar. Siso-siso benteng paninggalan Parang Pidari kini masih tasuo, walau alah indak tajago sacaro baiak. Salah satu pangaruah pasukan Pidari di kota ko yaitu agamo nan banyak dianuik panduduak satampek , yaitu Islam.
Pado zaman Balando, kota ko dijadikan pusek pamarintahan dek Balando untuak wilayah Tapanuli. Paninggalan bangunan Balando masih bisa tasuo kini, co kantua pos kota Padang Sidempuan.
Panduduak
Agamo
Mayoritas panduduak kota Padang Sidempuan baragamo Islam, dan sabagian lainnyo baragamo Kristen, Katolik dan Buddha. Manuruik Sensus 2010, panduduak nan baragamo Islam bajumlah 89.95%, Kristen: 8.94%, Katolik: 0.46%, Buddha: 0.35%, dan lainnyo: 0.29%.
Etnis
| Etnis | Jumlah (%) |
|---|---|
| Angkola | 44,8 |
| Mandailing | 20,1 |
| Batak Toba | 14,5 |
| Jawa | 11,3 |
| Minangkabau | 4,2 |
| Nias | 2,5 |
| Lain-lain | 2,6 |
| Sumber: Sensus Penduduk Tahun 2010 | |
Sabagai kota paliang gadang di Tapanuli, Padang Sidempuan marupokan kota patamuan tigo etnis di Sumatera Utara, yakni Angkola, Mandailing, dan Batak Toba. Salain itu dalam jumlah gadang ado pulo etnis Jawa jo Minangkabau. Kahadiran urang-urang Jawa di Padang Sidempuan dipakirokan sajak taun 1970-an sangkek pambangunan Jalan Raya Lintas Sumatra. Sadangkan urang-urang Minang, alah marantau ka Padang Sidempuan sajak maso Parang Pidari. Sabalun maso kamardekaan, banyak ulama jo guru asa Minangkabau nan maaja di kota ko.
Rujuakan
Pautan lua
- (Indonesia) Situs web resmi Sumatra Utara
- (Indonesia) Apa Kabar Sidimpuan Online Archived 2019-11-06 di Wayback Machine.
Caliak panduan wisata Kota Padangsidempuan di Wikivoyage
| Ado kategori tantang Kota Padangsidempuan di Wiki Commons |
This article uses material from the Wikipedia Minangkabau article Kota Padangsidempuan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.