Lansek

Panjalasan manganai lansek

Buah yang bulek bawarna kuniang jo babacak hitam di sakaliliangnyo, dan umumnyo tu bakalompok basamo dalam ciek tangkai. Buah ko biasonyo tumbuah subur di sadolah wilayah daratan. Buah yang bantuaknyo biaso kironyo istimewa ko banamo Lansek. Lansek ko masih ciek keluarga jo duku dengan namo latinnyo Lansium Domesticum. Walaupun punyo banyak kamiripan dari bantuak luanyo, tapi lansek punyo banyak bedanyo jo buah duku yang acok awak nampak. Dari pohonnyo, lansek nampak labiah kuruih daripado batang buah duku yang rimbun jo badaun labek. Batang lansek indak sagadang duku dan punyo percabangan tagak jo daun bawarna hijau tuo. Perbedaan salanjuiknyo Nampak pado buahnyo yang mampunyoi kulik labiah tipih daripado duku, salain itu lansek rasonyo labiah asam dan kanduangan gatahnyo labiah banyak dari duku. Dek gara – gara iko buah lansek capek mambusuaknyo katiko di patiak dari pohonnyo dibandiangan jo buah duku. Biasonyo tu, dalam wakatu sakitar tigo hari kulik buah lansek akan ma itam walaupun raso buahnyo masih lamak. Sakalipun di caliak jo mato Nampak buah duku ko labiah unggua daripado lansek,

Manfaat dari lansek

Paralu di katahui basonyo lansek ko mamiliki kanduangan kalori jo vitamin yang cukuik tinggi. Bahkan buah lansek ko satingkek labiah tinggi di bandiangan buah apel jo jeruk kalau tentang hal kalori, mineral jo zat basinyo. Dicaliak dari kanduangan nutrisi nyo yang sangaik tinggi, tantu buah lansek mamiliki manfaat yang luar biaso untuak tubuah manusia. Indak hanyo itu, manuruik babarapo panilitian, buah lansek ko mamiliki manfaat sabagai pandukuang kahidupan manusia. Konon, buah lansek sangaik elok untuak urang yang manjalani proses diet. Serat jo kanduangan kalori dalam buah lansek ko rancak untuak pencernaan jo untuak manambah tanago tanpa awak harus makan banyak makanan. Kulik buah lnsek ko pun mamiliki kandungan yang elok sabagai antioksidan yang baguno untuak mancegah tumbuahnyo sel kanker. Bubuk biji nyo gai bisa awak gunoan sabagai ubek damam dengan caronyo ditumbuak sudah tu di saduah samo aia angek untuak di minum. Sangaik banyak manfaat yang bisa awak ambiak dari buah lansek ko, bahkan lansek ko gai bisa awak olah untuak dijadian selai atau bahan dasar mambuek dodol jo pudiang. Dari yang awak tau, buah lansek ko banyak bana gunonyo yang bisa awak ambiak. Dek mangko itu awak sabagai masyarakat Indonesia saharusnyo mampu mandukuang jo malestarian potensi lansek ko untuak mandukuang kahidupan Indonesia ka arah yang lebih elok.