Istano Basa: Museum jo istano di Sumatra Barat

Istano ko marupokan tampek wisata budayo nan gadang di Sumatera Barat.

Istano Basa Pagaruyuang
Latak Istano Basa Pagaruyuang di Sumatra
Latak	Batusangkar, Sumatra Barat, Indonesia
Dibangun	kiro-kiro abaik ka-17
Dibangun untuak	Hunian kaluarga karajaan
Diruntuahan	1837 (dek parang) 1966 (tabaka) 2007 (tabaka)
Dibangun baliak	1930, 1968, 2007
Arsitek	Indak dikatahui
Arsitektur	Minangkabau
Pamiliak	Pamarintah Kabupaten Tanah Datar

Istano Basa nan tagak kini sabananyo adolah replika dari nan asali. Istano Basa asali talatak di ateh Bukik Batu Patah dan tabaka habih pado sabuah karusuahan badarah pado taun 1804. Istano tasabuik kudian didirian baliak namun tabaka baliak pado taun 1966.

Proses pambangunan baliak Istano Basa dilakukan jo palatakan tunggak tuo (tiang utamo) pado 27 Desember 1976 dek Gubernur Sumatera Barat wakatu itu, Harun Zain. Bangunan baru ko indak didirian di tapak istano lamo, tapi di lokasi baru di sabalah salatannyo.. Pado akhie 1970-an, istano iko alah dapek dikunjuangi dek umum.

Pado tanggal 27 Februari 2007, Istano Basa maalami kabakaran hebaik dek patuih nan manyemba di puncak istano. Dek karanonyo, bangunan tigo tingkek iko anguih tabaka. Ikuik tabaka pulo sabagian dokumen, sarato kain-kain hiasan.. Dipakirokan hanyo sakitar 15 persen barang-barang baharago nan salamaik. Barang-barang nan lolos dari kabakaran tasabuik kini disimpan di Balai Bando Purbakala Kabupaten Tanah Datar. Harato pusako Karajaan Pagaruyuang surang disimpan di Istano Silinduang Bulan, 2 kilometer dari Istano Basa.

Samantaro itu, biaya pandirian baliak istano iko dipakirokan labiah dari Rp 20 miliar.

•  
  Bagian lakang istano
•  
  Interior istano
•  
  Makan Bajamba dalam rangkaian Tour de Singkarak
•  
  Rangkiang jo surau di sakitar istano
•  
  Alek nasional jo internasional acok digala di istano

• Istano Silinduang Bulan
• Karajaan Pagaruyuang