Tupai Managun
Tupai managun adolah salah satu motif ukiran tradisional Minangkabau nan babantuak papaduan garih-garih malangkuang.
Garih-garih malangkuang tu nan bikonyo manggambarkan garik-garik tupai.
Tupai adolah sajinih binatang nan kahadirannyo malangkoki alam manusia. Di ciek sisi, tupai mandatangan karugian, karano tupai bisa manjadi hamo dek tanaman-tanaman nan diparaluan manusia. Contohnyo sajo tupai bisa mahancuan karambia jo buah-buahan nan lainnyo. Di sisi lain, adonyo tupai turui manjago kalestarian alam. Tupai juo manjadi sumber ilham nan diserap manusia, baiak bagi ahli adaik maupun bagi seniman, dari sipatik-sipaiknyo, bantuak jo garik-gariknyo.
Sipaik jo garik-gariknyo nan lincah tu indak lupuit dari pancaliakan urang Minangkabau sahinggo mandatangan sabuah ukuran bagi kapandekaan surang urang, sarupo caminan dalam patatah-patitiah “Sapandai-pandai tupai malompet sakali tajatuah juo. Sapandai-pandainyo pandeka basilek sakali-sakali tagalincia juo".
Patatah
Tupai managun namonyo ukia
Ukia diradai nan di tapi
Latak di ateh tampek nan tinggi
Di ujuang paran nan di singok
Dakek calekak padang basentak
Ukia di Luak Tanah Data
Turun ka Alam Minangkabau
Rujuakan
This article uses material from the Wikipedia Minangkabau article Tupai managun, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.