Ha Li Fa
Ha Li Fa (Bahaso Cino: 合利发) adolah parusahaan nan bagarak dalam bidang makanan nan bapusaik di Singapura nan mampunyoi cabang di Malaysia jo di babagai negaro lainnyo.
Sabagai sabuah parusahaan gadang nan bafokus pado industri bakso ikan jo parkedel ikan dalam skala manyaluruah, Ha Li Fa sacaro khusus dikenal karano produk bakso ikan BoBo jo babarapo merk bakso ikan babahan dasar pasta ikan jo alah dikonsumsi selacaro lueh indak hanyo di Asia sajo, tapi juo di Amerika Utara, Oceania, Timur Tangah, jo di babarapo nagaro bagian lain nyo nan manjadi tujuan utamo ekspor inyo.
Sajarah
DaIam 1987 Ha Li Fa didirian dek rang gaek dari Ang Yang Hua dan Jill Ang basaudaro nan salanjuiknyo malakukan moderanisasi jo manggabuangkan parusahaan pado taun 1993. Ha Li Fa salanjuiknyo mangambangkan bakso ikan BoBo (Bahaso Cino: 波波) sabagai produk unggualannyo jo kini dikanal di salurauh wilayah Singapura jo acok diliput dalam media nasional.
Mulai pado taun 2013, Ha Li Fa juo mulai mangambangkan diri ka Cino nan maningke'an kabaradoan pambali makanan khas Singapura dalam nagari tasabuik, tarutamo malalui bakso ikan BoBo nan dimilikinyo. Produk makanan iko alah tasadio di supermarket Indonesia. Produk-produk Ha Li Fa ko juo alah tibo di Timur Tengah. Ha Li Fa kini ko juo manggunakan solusi digital khusus macam software supply-chain-management untuak mambantu dalam mamparsingkek distribusi stok barang.
Produk
Salain bakso ikan jo perkedel ikan, Ha Li Fa kini ko juo manjual pangsit ikan, bakso makanan lauik atau seafood (macam kepiting, udang, sotong, jo lainnyo) sarato produk makanan inovatif macam parkedel tahu seafood keju jo perkedel ikan Thailand. Sabagai tambahan lainnyo, Ha Li Fa juo mambuek wonton, ngo hiang, yong tau fu jo babagai makanan Asia Tenggara lainnyo nan barasal dari Hokkien dan Tiochiu.
Bakso ikan Ha Li Fa dibuek maggunakan ikan tuna sirip kuniang jo ikan golok-golok bakualitas rancak. Produk ikan Ha Li Fa juo alah mamanuhi sertifikat HACCP, ISO 9002, Halal, jo standar kualitas makanan utamo lainnyo.
Salain BoBo, Ha Li Fa juo mampunyai duo merek barikuik:
- Bakso ikan jo perkedel Sakura nan dibuek manggunakan teknologi Lactobacillus dari Japang
- Bakso ikan, perkedel ikan, bakso ayam, jo sosis Ballgus.
Rujuakan
Pautan lua
This article uses material from the Wikipedia Minangkabau article Ha Li Fa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.